Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Sapasyz bilim beretin JOO-larǵa qandaı múmkindikter berilmek - Mınıstrlik

2021 jyldyń 18 aqpan 2021 16:06

NUR-SULTAN. QazAqparat - QR BǴM Bilim jáne ǵylym salasyndaǵy baqylaý komıtetiniń tóraıymy Gúlzat Kóbenova keıbir joǵary oqý oryndarynda anyqtalǵan kemshilikterdi aıtty, dep habarlaıdy QazAqparat tilshisi.

«Mınıstrlik sapasyz bilim beretin joǵary oqý oryndaryna qatysty máseleni sheshý boıynsha tıisti jumystardy atqaryp keledi. Qazirgi kezde memlekettik baqylaý Kásipkerlik kodekske sáıkes júrgiziledi. Birinshi baǵyty - profılaktıkalyq baqylaý. Osynyń nátıjesiniń negizinde joǵary oqý ornyna eki múmkindik qosymsha beriledi. Eń bastysy, bul jerde joǵary oqý oryndarynyń maqsaty – akademııalyq derbestikke qaramastan bilim salasyndaǵy zańnamany buzbaý ári kemshilikterge jol bermeý. Eger profılaktıkalyq baqylaýdyń nátıjesi boıynsha kemshilikter anyqtalsa, joǵary oqý ornyna ekinshi múmkindik beriledi», - dedi G. Kóbenova Ortalyq kommýnıkatsııalar qyzmetinde.

Osy oraıda ol tekseris júrgizilgennen keıin qaıtadan talaptardy buzý anyqtalyp jatsa, onda úshinshi tekseris júrgiziletinin naqtylady. Tek úshinshi tekseristen soń tıisti sheshim qabyldanady. Ákimshilik kodekske sáıkes kemshilikke qaraı tıisti bappen shara qoldanylady.

Sonymen qatar ol jospardan tys tekserýlerge toqtaldy.

«Mınıstrlikke ata-analardan, stýdentterden, oqytýshylardan ótinishter kelip túsip jatady. Osy ótinishterge qatysty mınıstrlik óz tarapynan kóterilgen máseleler turǵysynda tekseris júrgizedi. Kóbine aryz jazatyndar ózderiniń málimetterin (aty-jónin) kórsetpeıdi, ıaǵnı aryzdan keıin ózderine kesiri tıedi dep oılaıdy. Atap aıtqanda, eger kemshilikter bolsa, sizder alańdatatyn máseleler boıynsha mindetti túrde mınıstrlikke jáne tıisti baılanys jelisine habarlasa alasyzdar», - dedi komıtet basshysy.

«Tekserister nátıjesine toqtalsaq, shyn máninde joǵary oqý oryndarynyń keıbirinde tıisti jaǵdaı jasalmaǵan. JOO-da oqytýshysyz oqý úrdisi qalaı júrgiziledi? Bul turǵyda syrttan shaqyrtylǵan oqytýshylar qamtylǵan. Olar basqa jerde jumys isteıdi de, qosymsha joǵary oqý ornynda sabaq beredi. Osy oraıda qandaı sapa bolady? Kelgen oqytýshylardyń tıisti biliktiligi bolmaı jatady. Bilim berý baǵdarlamalarynyń sapasyna baılanysty suraqtar bar. Árıne, qýanatyn jaǵdaılar da bar, úsh jyldyń ishinde bilim berý baǵdarlamalarynyń sapasy 3 esege ósken. Degenmen, áli de keıbir oqý oryndary tıisti jumystardy atqarýy kerek», - dedi Gúlzat Kóbenova.

Munymen qosa ol keıbir JOO-lar materıaldyq-tehnıkalyq bazasy jaǵynan aqsap turǵanyn aıtty.


Avtor Rýslan Ǵabbasov
Basty sózder: JOO-lar, Bilim, Basqa memorgandar,
Joǵary qaraı