Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sapasyz úı salǵandar zań aldynda jaýap berýi kerek - Danıal Ahmetov

2022 jyldyń 19 qańtar 2022 10:35

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov Óskemendegi sapasyz salynǵan úı máselesine qatysty tapsyrma berdi, dep habarlaıdy QazAqparat tilshisi.

Óskemen qalasynyń turǵyndary Danıal Ahmetovke jańa salynǵan kópqabatty úıdiń sapasyzdyǵyna shaǵymdanǵan bolatyn. B.Momyshuly kóshesindegi 14-shi úıdiń syrtqy qaptamasy 2020 jyldyń sońynan beri birneshe ret opyrylyp túsken.

Aımaq basshysy keńeıtilgen ákimdik otyrysynda qurylys, sáýlet jáne qala qurylysy basqarmasyna atalǵan máseleni sheshýdi tapsyrdy.

«Tehnıkalyq qadaǵalaýdy júzege asyratyn mamandar óz mindetterin durys oryndamaǵan. Sonyń saldarynan kópqabatty úı turǵyndary zardap shegýde. Osyndaı olqylyqqa jol bergender zań aıasynda jaýap berýi kerek. Qajet bolsa, sotqa júginemiz», - dedi Danıal Ahmetov.


Joǵary qaraı