Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saran qalasynda kópbalaly ana «Bastaý Bıznes» grantymen atele ashty

2021 jyldyń 31 shilde 2021 23:35

SARAN. QazAqparat – Qaraǵandy oblysynda turatyn kópbalaly ana jumysynan aırylyp, óz isin ashty. Saran qalasynyń 36 jastaǵy turǵyny Oksana Rasskazova «Bastaý Bıznes» jobasy boıynsha kásipkerlik negizderin oqyp, jarty mıllıon teńgege grant alyp, óz maqsatyna jetti, dep habarlaıdy QazAqparat tilshisi.

Oksana — tiginshi. Pandemııaǵa deıin ol tigin óndirisinde jumys istedi, biraq ótken jazda ol jumysynan ketýge májbúr boldy.

«Pandemııa bastalǵan kezde men jumystan ketýge májbúr boldym, óıtkeni balalarym barǵan balabaqshalar jabyldy. Mende tórt balam bar. Dál sol kezde tanysymnan «Bastaý Bıznes» jobasy týraly bildim. Jumyspen qamtý ortalyǵyna baryp, onlaın oqýǵa jazyldym. Men burynnan óz isimdi ashqym keldi, biraq nesıe alýǵa qorqatynmyn. «Bastaý bıznestiń» arqasynda qajetti bilim alyp, 555 myń teńgege grant alyp, armanymdy júzege asyra aldym», – deıdi Oksana.

Bul aqshaǵa áıel statsıonarlyq tigin jáne tigin mashınalaryn, bý generatoryn, maneken, kesýge arnalǵan ústel satyp aldy, bólmeni jalǵa alyp, atele ashty. Qazir onyń turaqty klıentteri bar. Atelede ol jalǵyz jumys isteıdi, biraq bolashaqta óndiristi keńeıtýdi josparlap otyr.

«Árıne, tabys áli de az, biraq men renjimeımin. Qazir men óz esimimdi tanymal etý maqsatynda jumys istep jatyrmyn, klıentter maǵan qaıta oralýy úshin. Bári oıdaǵydaı bolady dep úmittenemin, Men eń bolmaǵanda bir kómekshini jumysqa almaqshymyn», – dep bólisti bastaýysh kásipker.

Osy jyldyń alty aıynda Qaraǵandy oblysynda «Bastaý Bıznes» jobasy boıynsha kásipkerlik negizderine oqytýdan 1 299 adam ótti. Onyń 397-si shaǵyn nesıe alsa, 550-i qaıtarymsyz grant ıegeri atandy.

«Jarty jyl ishinde jumyspen qamtý sharalarymen 20 myńnan astam adam qamtyldy. Onyń 17 myńnan astamy jumysqa ornalastyryldy. Eńbek naryǵynda suranysqa ıe mamandyqtarǵa qysqa merzimdi oqytýǵa oblystyń 819 turǵyny jiberildi», – dep habarlady Qaraǵandy oblysynyń jumyspen qamtýdy úılestirý jáne áleýmettik baǵdarlamalar basqarmasy.

Bıyl Qaraǵandy oblysynda jumyspen qamtý sharalarymen 76 myńǵa jýyq turǵyndy qamtý josparlanǵan.


Joǵary qaraı