Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Saran qalasynda janyp ketken úıden 78 jastaǵy qarııanyń múrdesi tabyldy

2020 jyldyń 28 qazan 2020 14:55

QARAǴANDY. QazAqparat – Qaraǵandy oblysynda búgin túnde 3 eldi mekende turǵyn úılerdi ot sharpydy. Órt saldarynan eki adam zardap shekip, bireýi qaza tapty, 19 adam evakýatsııalandy, dep habarlaıdy QazAqparat tilshisi.

27 qazan kúni saǵat 17:50-de Aqtoǵaı aýdany Shashýbaı kentinde, bir qabatty turǵyn úıde qatty otynmen jylytatyn peshpen jylytý erejelerin buzý saldarynan (tútin murjasy tazalanbaǵan) 1983 jyly týǵan er adam ýly gazben ýlanǵan. Aýyr halde aýrýhanaǵa jatqyzyldy.

Taǵy bir órt 28 qazanǵa qaraǵan túni boldy. Saǵat 02:38-de Jezqazǵan qalasynyń Esenberlın kóshesindegi 5 qabatty turǵyn úıdiń besinshi qabatyndaǵy páterde tońazytqyshtyń janǵysh bólikteri órtenip ketti. Qaraǵandy oblysy TJD kúshimen páterlerden baspaldaq marshy boıynsha 19 adam, onyń ishinde 2 bala evakýatsııalandy. Órt 03:01-de sóndirildi. Qaza bolǵandar men zardap shekkender joq. Aldyn ala málimetter boıynsha, órttiń sebebi elektr symdarynyń qysqa tuıyqtalýy boldy.

«Sol túni saǵat 05:24-te Saran qalasynda Nekrasov kóshesi boıynsha bir qabatty jeke turǵyn úıde úı zattary men jıhazdar, sondaı-aq verandanyń aǵash konstrýktsııalary janǵan. Órt aýmaǵy 40 sharshy metrdi qurady. 78 jastaǵy úı ıesi qaıtys boldy. Órt 06:34-te sóndirildi. Órttiń shyǵý sebebi men adam óliminiń sebebi anyqtalýda», - dep málim etti TJD baspasóz qyzmeti.





qutqarýshylar azamattardy órt qaýipsizdigi erejelerin saqtaýǵa shaqyrady. Peshpen jylytýdy retke keltirýmen qatar ony paıdalaný erejeleriniń talaptaryn qatań saqtaý kerek. Únemi murjalardy jınalǵan kúıeden tazalańyz. Peshter men elektr symdaryn jóndeýdi tek mamandarǵa tapsyryńyz!

Sonymen qatar órt sóndirýshiler jelini shamadan tys júktemeýge, onyń ishinde kóptegen elektr quraldaryn uzaq ýaqyt qaldyrmaýǵa keńes beredi. Sebebi bul elektr symdarynyń júktemesine ákeledi.


Joǵary qaraı