Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sarapshy Almasbek Sadyrbaev: Prezıdenttiń sózi mınıstr men ákimder úshin dabyl bolýy tıis

2022 jyldyń 12 qańtar 2022 12:44

NUR-SULTAN. QazAqparat – Memleket basshysy Qasym-Jomart Toqaev Májilistegi keshegi sózinde eldiń jaǵdaıyna qatysty árbir salaǵa jeke-jeke toqtalyp, naqty tapsyrmalar júktedi. Sonyń ishinde Prezıdent aýyl sharýashylyǵyna da erekshe nazar aýdarǵan bolatyn. Osyǵan oraı, QazAqparat aýyl sharýashylyǵy salasynda kópten beri ózekti máseleni kóterip júrgen sarapshy Almasbek Sadyrbaevtyń pikirin usynyp otyr.

«Keshe Memleket basshysynyń úndeýin barshamyz tyńdadyq. Onda biraz dúnıe aıtyldy. Birinshi qýantarlyq jaǵdaı, ýtılızatsııalyq alym. Prezıdent ýtılızatsııalyq alym toqtatylsyn dedi. Ótken aptada men aýyl sharýashylyǵy mınıstrimen kezdestim, kezdesýde mınıstrmen aýyl sharýashylyǵy salasy boıynsha ýtılızatsııalyq alymdy alyp tastaý jóninde de áńgime qozǵadyq. Erbol Qarashókeev bul bastamany qoldaıtynyn bildirdi. Túsingenim, avtokólikter úshin ýtılızatsııalyq alymdy tómendetedi, al aýyl sharýashylyǵy salasy, tehnıkasy úshin múldem alyp tastaý jaǵy qaralyp jatyr. Bul degenimiz aýyl sharýashylyǵy tehnıkasy arzandaıdy degen sóz», - dedi Almasbek Sadyrbaev

Onyń aıtýynsha, Memleket basshysy óz úndeýinde aýyl sharýashylyǵy salasyna da erekshe mán berdi.

«Prezıdent Úkimettiń tuqymmen, jem-shóppen, tyńaıtqyshpen qamtamasyz etýmen qatar, egin egý naýqanyn qatań baqylaýda ustaý kerektigin aıqyndap berdi. Iá, aýyl sharýashylyǵy salasyna qarjy bólinip jatyr. Byltyr 72 mlrd teńge qarajat bólingen, biraq ony kóbinese iri sharýashylyq qojalyq ıeleri alyp jatyr. Osy oraıda usaq sharýashylyqtardy da nazardan tys qaldyrmasa. Onyń paıdasy nede Úkimet kóktemde 1 paıyzdyq mólsherlememen qarajat beredi, al sharýa ony kúzde ónim túrinde qaıtaryp beredi. Shyny kerek, aýyldy aǵaıyn biz sony suramaı, almaı júrmiz. Endi sol múmkindikti paıdalanaıyq, bul jaqsy amal», - deıdi ol.

Sondaı-aq, sarapshy qýańshylyqpen kúreste el bolyp bolyp jumylýǵa shaqyrdy.

«Memleket basshysy úndeýinde «sońǵy jyldary elimizde qýańshylyq boldy, boljam boıynsha bıyl da ahýal kúrdelene túsýi múmkin», dedi. Sala mamandary da eldegi jaýyn-shashyn men qardyń túsý mólsherin qadaǵalap, osy oıǵa kelip otyr. Prezıdenttiń bul sózi sala mınıstrligi men óńir ákimderi úshin naqty dabyl. Maqsat – qýańshylyqtyń aldyn alýymyz qajet. Jáne ony bir ǵana mınıstrlikke artyp qoıǵan durys emes, bárimiz jumylýymyz kerek», - dedi A. Sadyrbaev.

Odan bólek, maman aýyl sharýashylyǵy úshin beriletin sýbsıdııa máselesine toqtalyp ótti.

«Aýyl sharýashylyǵyna qatysty burynnan kele jatqan taǵy bir problema. Іri qara jáne usaq maldy asyldandyrý, uryqtandyrý máselesi. Qasym-Jomart Toqaev buǵan da toqtalyp ótti. ıAǵnı mal tuqymyn asyldandyrýǵa beriletin sýbsıdııa ashyq ári ádil túrde berilýi kerektigine jiti aıtty. Biz ashyqtyqty qamtamasyz etýimiz kerek. Ol úshin biz sharýalarǵa sýbsıdııany alý ádis-tásilderin úıretemiz. Sondyqtan maldy asyldandyrý men uryqtandyrýǵa beriletin sýbsıdııany alyp tastaıdy degen beker sóz», - dedi ol.

Eske salsaq, keshe Memleket basshysy óz úndeýinde Úkimetke tuqymmen, jem-shóppen, tyńaıtqyshpen qamtamasyz etý máselelerin jáne egin naýqanyn qatań baqylaýda ustaýdy tapsyrǵan edi.


Joǵary qaraı