Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sarqanda qoqystan máıiti tabylǵan qyzdyń anasy 2 aıǵa qamaýǵa alyndy

2022 jyldyń 23 mamyr 2022 21:20

TALDYQORǴAN. QazAqparat - Sarqanda qoqystan tabylǵan qyzdy anasy óziniń aǵasymen birge qylqyndyryp óltirdi degen kúdikke ilindi. Olar eki aıǵa qamaýǵa alyndy, dep habarlaıdy QazAqparat tilshisi Sarqan aýdandyq sotyna silteme jasap.

Osy jyldyń 8 aqpanynda kúdikti áıel óziniń aǵasymen birge taksımen qyzyn alyp kele jatyp, joldan túsip qalǵan. Sol kezde aǵasyna týǵannan aýrýshań jáne arnaıy esepte turǵan balasyn qaraı almaıtynyn, kórgisi kelmeıtinin aıtyp ony óltirý týraly usynys jasaǵan. Kelispegen jaǵdaıda ózine-ózi qol jumsaıtynyn jetkizgen. Aǵasy qaryndasynyń sózine kelisip, balany óltirýge aldyn ala sóz baılasqan. Jas balany óltirý oıyn iske asyrý úshin qala syrtynda ornalasqan, burynǵy zaýyt mańyndaǵy qoqys tógetin jerdiń eńisine qaraı túsip, dármensiz balany jerge jatqyzyp qylqyndyryp óltirgen. Balanyń baqılyq bolǵanyna kóz jetkizip, máıitti jasyryp, tóbeshiktiń ústinde syrttaı baqylap turǵan qaryndasyn alyp, oqıǵa ornynan boı tasalaǵandary anyqtaldy»,- delingen Sarqan aýdandyq sotynyń baspasóz qyzmetiniń habarlamasynda.

Vedomstvonyń aqparatyna sáıkes, Almaty oblysy Sarqan aýdandyq sotynda kúdikke ilingen náresteniń anasy men onyń aǵasyna qatysty bultarpaý sharasyn anyqtaý týraly is qaraldy. Sotqa deıingi tergep - tekserý organy sottan atalǵan azamattarǵa qatysty bultartpaý sharasy retinde kúzetpen ustaýdy sanktsııalaýdy suraǵan.
Kúdiktiler jasaǵan qylmystaryn moıyndady.
«Sotta qatysýshylardy tyńdap, kúdiktilerdi 2 aıǵa kúzetpeý ustaý túrin sanktsııalaý boıynsha qaýly shyǵardy»,- dep tolyqtyrdy atalǵan vedomstvonyń baspasóz qyzmeti.
Esterińizge salsaq, 18 mamyr kúni Almaty oblysy Sarqan aýdanynda bes jasar balanyń máıiti qoqystan tabylǵanyn habarlaǵan bolatynbyz.


Joǵary qaraı