Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sársenbide elimizde aýa raıy qandaı bolady

2021 jyldyń 22 qyrkúıek 2021 02:21

NUR-SULTAN. QazAqparat – Sınoptıkterdiń boljaýynsha, sársenbide elimizde jańbyr jaýyp, naızaǵaı jarqyldaıdy, jel kúsheıedi, tuman túsip, túnde keı óńirlerdi úsik júredi, dep habarlaıdy QazAqparat Qazgıdrometke silteme jasap.

22 qyrkúıekte Qazaqstannyń basym bóliginde frontaldyq aǵyndardyń yqpalymen aýa raıy qubylmaly bolady, soǵan baılanysty jańbyr jaýady, elimizdiń ońtústik taýly aýdandarynda jáne ońtústik-shyǵysynda kún bulttap, naızaǵaı jarqyldaıdy, soltústiginde azdaǵan jańbyr, qar jaýady. Tek elimizdiń ortalyǵynda, shyǵysynda, soltústik-batysynda jáne ońtústik-batysynda kún raıy ashyq bolad. Elimizdiń soltústiginde, batysynda, ońtústik-batysynda jáne ońtústiktiń taýly aýdandarynda jáne ońtústik-shyǵysynda jel kúsheıedi, ońtústik-batysynda shańdy daýyl soǵyp, soltústiginde, soltústik-batysynda tuman túsýi yqtımal.

Qostanaı oblysynyń soltústiginde jáne soltústik-batysynda, Aqmola oblysynyń soltústiginde jáne shyǵysynda túnde jáne tańerteń, Soltústik Qazaqstan oblysynyń soltústik-batysynda, túnde Pavlodar oblysynyń ońtústiginde tuman túsýi múmkin, kúndiz Aqmola oblysynyń soltústiginde jel 15-20 m/s kúsheıedi.

Jambyl oblysynyń taýly aýdandarynda, kúndiz Túrkistan oblysynda kún bulttap, naızaǵaı oınaıdy, jel 15-20 m/s kúsheıedi.

Kúndiz Qyzylorda oblysynyń ońtústiginde, Mańǵystaý oblysynyń soltústik-shyǵysynda jel 15-20 m/s kúsheıedi, Mańǵystaý oblysynyń soltústik-shyǵysynda shańdy daýyl soǵady.

Kúndiz Batys Qazaqstan oblysynda, Atyraý oblysynyń ońtústiginde, ortalyǵynda jel 15-20 m/s kúsheıedi.

Túnde Qostanaı oblysynyń soltústiginde, soltústik-batysynda, Soltústik Qazaqstan oblysynyń ońtústik-batysynda, Jambyl oblysynyń taý jáne taýly aýdandarynda 2-4 gradýs úsik júredi.

Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı oblysynyń ońtústik-batysynda, batysynda, ortalyǵynda, Qostanaı, Qaraǵandy oblystarynyń ońtústik-batysynda, batysynda jáne ortalyǵynda, Batys Qazaqstan oblysynyń shyǵysynda jáne ońtústiginde, Shyǵys Qazaqstan oblysynyń ońtústiginde tótenshe órt qaýpi saqtalady.

Basty sózder: Qazgıdromet, Aýa raıy,
Joǵary qaraı