Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Sary» aımaqtaǵy Atyraý: Statsıonarlarda 341 naýqas jatyr

2021 jyldyń 14 maýsym 2021 16:47

ATYRAÝ. QazAqparat – «Sary» aımaqtaǵy Atyraýdyń ınfektsııalyq statsıonarlarynda koronavırýs ınfektsııasymen 341 naýqas jatyr, dep habarlaıdy QazAqparat.

Atyraý oblystyq Densaýlyq saqtaý basqarmasynyń baspasóz qyzmetinen málim etkendeı, ótken táýlikte 43 adamnan qaýipti vırýs tabylǵan. Onyń ishinde Atyraý qalasynan 38 naýqas bar. Sondaı-aq, Teńiz ken ornynda – 2, Jylyoı aýdanynda – 1 adam, Inderde – 1, Maqat aýdanynda 1 adam koronavırýs juqtyrǵan.

«Ótken táýlikte koronavırýs ınfektsııasynan 11 adam emdelip shyqty. Qazir 528 adam úı

Jaǵdaıynda emdelý úshin oqshaýlandy. Modýldik aýrýhanada – 118, №2 oblystyq aýrýhanada – 100, ftızıopýlmanologııalyq ortalyqta – 17, aýdandyq ınfektsııalyq statsıonarlarda 64 adam emdelip jatyr. Al, Teńiz ken ornyndaǵy ınfektsııalyq statsıonarda 42 patsıent jatyr» dep habarlady basqarmanyń baspasóz qyzmeti.

Eske sala ketelik, buǵan deıin «sary» aımaqtaǵy Atyraýda koronavırýs juqtyrǵandar qalada kóbeıgenin jazǵan bolatynbyz.


Avtor Bek Mustafa
Basty sózder: Atyraý oblysy, Koronavırýs,
Joǵary qaraı