Aýa raıy
Astana 26 °S
Almaty 27 °S
valıýta baǵamy
USD 405.69
EUR 455.51
RUB 5.72
CNY 57.42

Saryaǵash aýdanynda ákeniń qoǵamdaǵy róli talqylandy

2019 jyldyń 12 qarasha 2019 14:04

SARYAǴASh. QazAqparat – Túrkistan oblysy Saryaǵash aýdanynda ákeniń qoǵamdaǵy róli talqylandy. Aýdandyq sot pen aýdan ákimi janyndaǵy áıelder isteri jáne otbasy-demografııalyq saıasat jónindegi komıssııa uıymdastyrǵan basqosýda «Otbasylyq sot» pılottyq jobasy aıasynda túsirilgen beınefılm kórsetildi, dep habarlaıdy QazAqparat tilshisi.

Kezdesýge aýdan ákiminiń orynbasary M.Seıtimbetov pen aýdandyq sottyń tóraǵasy T.Mashrapov, aýdannyń bas ımamy T.Tólebekov pen bilim bólimi janyndaǵy qamqorshylyq keńesiniń tóraǵasy A.Belqoja, prokýratýra jáne polıtsııa qyzmetkerleri, jergilikti turǵyndar qatysty. Basqosýda sot tóraǵasy «Qoǵamdaǵy ákeniń róli» taqyrybynda baıandama jasap, ákeniń otbasyndaǵy orny erekshe ekenin atap ótti.

«Otbasynyń yntymaǵy úshin otaǵasynyń ádil, ustamdy bolýy asa mańyzdy. «Áke - asqar taý, ana - baýraıyndaǵy bulaq, bala - jaǵasyndaǵy quraq» dep beker aıtylmasa kerek. Sebebi, áke - otbasynyń tiregi»,- dedi T.Mashrapov.




Sot tóraǵasy sonymen qatar ár mekemede 2020 jyldyń naýryz aıyna deıin otbasylyq baıqaý ótkizip, sol baıqaý jeńimpazdarynyń arasynda «Baqytty otbasy» qorytyndy konkýrsyn ótkizýdi usyndy. Bul usynys aýdandaǵy ákeler tarapynan biraýyzdan qoldaý tapty. Osyǵan oraı kezdesýde Saryaǵash aýdanynyń bas ımamy T.Tólebekov sharıǵatta ákeniń róli qandaı ekenin, ákeniń otbasyndaǵy mańyzyn túsindirip ótti.

Іs shara sońynda aýdan ákiminiń orynbasary M.Seıtimbetov jıyndy qorytyndylap, ákeniń minez-qulqy, ózgelermen qarym-qatynasy bala úshin úlgi-ónege ekenin, soǵan qarap ósetin nysanasy ekenin atap ótti.
















Avtor Aınur Aqbaeva
Basty sózder: Túrkistan oblysy, Qoǵam,
Joǵary qaraı