Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saryaǵashta bir kúnde uıymdastyrylǵan 3 toı toqtatyldy

2021 jyldyń 20 shilde 2021 23:28

TÚRKІSTAN. QazAqparat - Túrkistan oblysynda táýlik ishinde karantın rejımin saqtamaı úsh toı jasaǵan toıhana ıeleri anyqtaldy, dep habarlaıdy Polisia.kz.

Elimizde koronavırýs indetiniń keń etek alǵany barlyǵymyzǵa belgili. Osy tusta Saryaǵash APB-niń qyzmetkerleri karantın rejıminiń saqtalýyn qatań túrde baqylaýda. Tártip saqshylarynyń kúndelikti júrgizgen is-sharalarynyń nátıjesinde Saryaǵash aýdanynda shekteý sharalaryn saqtamaı, qaǵıdalardyń buzylýyna jol bergen birneshe toıhana ıeleri anyqtaldy.

Mysaly, Saryaǵash aýdanyndaǵy eldi-mekenniń birinde ornalasqan toıhanada 80-nen astam turǵyn jınalyp, besik toı ótkizip jatqandyǵy anyqtaldy. Sonymen qatar odan bólek eki toıhananyń birinde 150-den astam adam jınalyp, betashar bolyp jatsa, endi birinde 180 turǵyn jınalǵan súndet toı ótkizilgen. Atalǵan toıhana ıelerine qatysty QR ÁQBtK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha is-qujattar jınaqtalyp, Saryaǵash aýdandyq SEBB-ǵa joldandy.



Basty sózder: Karantın, Túrkistan oblysy,
Joǵary qaraı