Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Saryaǵashta qyryqqabat egý jumystary bastaldy

2022 jyldyń 21 qańtar 2022 12:05

SARYAǴASh. QazAqparat - Túrkistan oblysy Saryaǵash aýdanynyń sharýalary jylyna bir alqaptan úsh ret ónim alý jobasyn júzege asyryp keledi. Búgingi tańda jergilikti sharýalar qyryqqabat kóshetin otyrǵyzý jumysyn bastap ketti, dep habarlaıdy QazAqparat tilshisi.

Erte ónim beretin qyryqqabat daqylyn egý naýqanyna qazirdiń ózinde birneshe sharýa qatysyp, qyzý jumystar júrýde.

Egindi erte bastaǵandardyń biri — Jartytóbe aýyldyq okrýgi, Yntymaq eldi mekenindegi «Almas» sharýa qojalyǵy.

Búgingi tańda qojalyqtyń tóraǵasy Almas Alımqojaevtyń enshisindegi jerge qyryqqabat daqyly egilip jatyr.

Dıqandar qańtardyń árbir kúnin tıimdi paıdalanyp, jaýyn-shashynǵa qaramastan jumys isteýde. Ónim 2 aı kóleminde pisedi.

Erte pisetin ónim túrine suranys kóp bolǵandyqtan sharýalar osy túsimge erekshe úmit artyp otyr.

Bıyl aýdanda 69700 gektar egistik jer ıgerilgen.

Onyń ishinde 30 myń ga bıdaı, 7600 ga arpa, 5000 ga dándik júgeri, 500 ga burshaqty daqyl, 1809 ga maıly daqyl, 1200 ga baqsha, 4000 ga kartop, 10500 ga kókónis jáne 9000 ga mal azyqtyq daqyldary ósirilgen.

Egilgen egistik jerden 46826 tn astyq pen dándi daqyldar, 850 tn burshaqty daqyldar, 2020 tn maıly daqyldar, 26675 tn baqsha ónimderi, 92000 tn kartop jáne 310151 tn kókónis ónimderi alynǵan.


Joǵary qaraı