Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Saryózek – Kóktal» baǵytyndaǵy jol jabyldy

2022 jyldyń 16 mamyr 2022 09:22

TALDYQORǴAN. QazAqparat - «Saryózek – Kóktal» respýblıkalyq mańyzy bar avtojol ýchaskesi barlyq kólikter úshin jabyldy, - dep habarlaıdy QazAqparat tilshisi.

«16 mamyr kúni saǵat 9:00-den 17:00-ge deıin respýblıkalyq mańyzy bar atalǵan avtojol ýchaskesi (45-86 km) avtotransporttyń barlyq túrleri úshin jabyldy.

«Qazaqavtojol» UK Almaty oblystyq fılıalynyń habarlaýynsha, «Saryózek – Kóktal» jolynda jarylys jumystary júrgiziledi»,- delingen Almaty oblystyq Tótenshe jaǵdaılar departamentiniń baspasóz qyzmeti taratqan habarlamada.

Almaty oblysynyń TJD azamattardan osy baǵytta jol júrýden bas tartýdy suraıdy.

«Sondaı-aq 112 qyzmeti beretin SMS habarlamalardy nazardan tys qaldyrmaýǵa keńes beredi. Daýyl týraly eskertýler men ózge de shuǵyl aqparat alý úshin Siz «Dármen» tegin mobıldi qosymshasyn júkteı alasyz»,- dep tolyqtyrdy atalǵan vedomstvonyń baspasóz qyzmetinen.


Avtor Samal Qabysheva
Basty sózder: Oqıǵa, Kólik, Jol,
Joǵary qaraı