Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sátbaev qalasynda ashyq aspan astyndaǵy murajaı ashyldy

2021 jyldyń 2 qarasha 2021 05:34

SÁTBAEV. QazAqparat – Sátbaevta «Uly dala» tarıhı park-murajaıy ashyldy. Ol ótken jylǵy «Kerýen» músindik kompozıtsııasynyń jalǵasy boldy, dep habarlaıdy QazAqparat tilshisi.

«Uly dala» tarıhı parki bekinis qabyrǵasyna uqsaıtyn kirpish qorshaýmen qorshalǵan. Aýmaqta Saryarqanyń tarıhı kórikti jerleriniń maketteri – Alasha, Joshy, Dombaýyl jaýyngeri, Orda hany, Aıaqqamyr, Bolǵan ana keseneleri ornalasqan. Sondaı-aq saıabaqta Ulytaý taýlarynyń mınıatıýrasy, Terekti petroglıfteri, áıgili tórt bıdiń «Tórt bosaǵa» barelefi qoıylǵan. Aınalasynda aǵash egilip, oryndyq, qoqys jáshikteri qoıylǵan, jaryq baǵandary ornatylǵan.




«Bul saıabaq Sátbaev turǵyndary úshin demalys ornyna ǵana emes, sonymen qatar jastar bizdiń tarıhymyzben tanysyp, taqyryptyq kezdesýler men zertteýler ótkize alatyn orynǵa aınalady. Sondaı-aq, ol týrısterdiń nazarynan tys qalmaıdy. «Uly dala» saıabaǵynyń Ulytaý kóshesinde ornalasqandyǵy da kezdeısoq emes. Tarıhı málimetter dál osy jerde bir kezderi Uly Jibek jolynyń shaǵyn kerýeni ótkenin kórsetedi», – dep atap ótti Sátbaev qalasynyń ákimi Asqar Ydyrysov.





Saıabaqtyń saltanatty ashylýynan keıin alǵashqy kelýshiler úshin tanystyrý ekskýrsııasy uıymdastyryldy. Gıd-ekskýrsovod ashyq aspan astyndaǵy murajaı eksponattarynyń árqaısysy týraly tanymdyq aqparat usyndy. Sondaı-aq qonaqtar ejelgi qazaq mýzykalyq aspaptaryn jasaý boıynsha halyq kásipshiliginiń tarıhymen tanysyp, ulttyq jáne klassıkalyq mýzykany tyńdady.











Joǵary qaraı