Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sátbaev qalasynda kishkentaı qyzdy zorlaý isi boıynsha úkim shyǵaryldy

2021 jyldyń 21 maýsym 2021 21:10

QARAǴANDY. QazAqparat – Qaraǵandy oblysynyń qylmystyq ister jónindegi mamandandyrylǵan aýdanaralyq sotynda (MAQS) alqabıler soty Sátbaev qalasynda kishkentaı qyzdyń densaýlyǵyna aýyr zııan keltirý jáne zorlaý isi boıynsha úkim shyǵardy, dep habarlaıdy QazAqparat tilshisi.

Qaraǵandy oblysynyń MAQS baspasóz qyzmetinen málim etkendeı, sottalýshylar QR QK-niń 120-baby 4-bóligi, 121-baby 4-bóligi, 106-baby 2-bóligi 3, 5, 11-tarmaqtary boıynsha aıyptalýda. Atalǵan baptar boıynsha erli-zaıyptylar Pr. jáne P. sotqa berildi.

Іs Qaraǵandy oblysynyń qylmystyq ister jónindegi mamandandyrylǵan aýdanaralyq sotynda qaraldy.

«2020 jyldyń 23 shildesinde mas kúıde bolǵan G. esimdi azamat óz úıiniń kireberisinde zardap shegýshi kishkentaı qyzdy kezdestirip, ony ustap alyp, páterine kirgizgen. Sodan keıin G. kórshisi Pr.-dy shaqyryp, zorlyq-zombylyq jasaýdy usynǵan. Sońǵysy kelisimin bergen. Sodan keıin olar sottalýshy Pr.-dyń jubaıy P.-ny shaqyrǵan. Ol eki er adamnyń qylmystyq nıetin bile tura, balaǵa anyqtalmaǵan zatpen ınektsııa ekken. Qyz bala esin joǵalta bastaǵan.

Budan ári G. jáne erli-zaıyptylar jas balaǵa zorlaý jáne jynystyq sıpattaǵy zorlyq-zombylyq áreketterin jasady.

Saraptama qorytyndysyna sáıkes, jábirlenýshiniń psıhıkalyq densaýlyǵyna aýyr zııan keltirildi.

Daýys berý nátıjeleri boıynsha alqabıler Pr. jáne P.-ny aıyptaýdyń barlyq baptary boıynsha kináli dep tapty.

Pr.-dyń áreketin aýyrlatatyn jaǵdaı – qylmysty mas kúıde jasaý. Jeńildetetin mán-jaılar anyqtalǵan joq. Baıandalǵandy eskere otyryp, oǵan jazany qaýipsizdigi tótenshe mekemede óteý, ómir boıyna bas bostandyǵynan aıyrý taǵaıyndaldy. Bul rette, merzimniń alǵashqy 5 jyly tolyq qaýipsizdik mekemesinde ótelýi kerek», - dep málimdedi sottyń baspasóz qyzmetinen.

Ekinshi aıyptalýshyǵa keletin bolsaq, zań áıelderge ómir boıyna bas bostandyǵynan aıyrýdy taǵaıyndaýǵa tyıym salady (QK-niń 46-baby). Sondyqtan sottalýshy P.-ǵa qylmystardyń jıyntyǵy boıynsha 22 jylǵa bas bostandyǵynan aıyrý jazasy taǵaıyndaldy. Oǵan ómir boıyna pedagogıkalyq laýazymdardy jáne kámeletke tolmaǵandarmen jumys isteýge baılanysty qyzmetterdi atqarýǵa tyıym salyndy.

Úkim zańdy kúshine engen joq.

Esterińizge sala keteıik, kúdiktilerdiń biri – azamat G. tergeý kezinde sýıtsıd jasaǵan bolatyn. Oǵan qatysty is toqtatyldy jáne sotta qaralǵan joq.

Eske salaıyq, 2020 jyldyń 23 shildesi kúni saǵat 21.00-de Sátbaev qalasynyń polıtsııasyna Jezqazǵan turǵyny óziniń 5 jasar qyzy joǵalyp ketkeni týraly habarlaǵan. Sátbaev qalalyq polıtsııa bóliminiń barlyq quramy men volonterler qatysqan izdeý sharalarynyń nátıjesinde 5 jasar bala kópqabatty úıdegi páterlerdiń birinen tabyldy. Dál sol kúni tártip saqshylary qylmysqa barǵan kúdiktini ustady.

Atalmysh oqıǵadan soń Sátbaev qalasynyń ondaǵan turǵyny bala tabylǵan úıdiń mańyn qorshap, kúdiktini ózderi jazalamaqshy boldy.

Jaǵdaıdy Іshki ister mınıstri Erlan Turǵymbaev jeke baqylaýyna alyp, birneshe bap boıynsha qylmystyq is tirkelgenin málim etti.

Birneshe aı ótken soń, 6 qazanda kúdiktilerdiń biri tergeý ızolıatorynda óz-ózine qol saldy.


Joǵary qaraı