Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sátbaevta bes jasar qyzdy zorlaý oqıǵasy: Sottalǵandar jazasyn jeńildetýdi surap otyr

2021 jyldyń 18 qazan 2021 14:36

SÁTBAEV. QazAqparat – Sátbaev qalasynda bes jasar qyzdy zorlady degen aıyppen sottalǵandar sot sheshimin ózgertýdi surap, appelıatsııalyq shaǵym túsirdi. Erli-zaıyptylar úkimdi jeńildetýin ótinedi, dep habarlaıdy QazAqparat tilshisi.

Qaraǵandy oblystyq sotyna Sátbaevta bes jasar qyz balany qorlaý isi boıynsha sottalǵan erli-zaıyptylardan úkimdi jeńildetý týraly appelıatsııalyq shaǵymdar kelip tústi.

«Sottalǵandar appelıatsııaǵa berdi. Alaıda sot jabyq protsesti qaraý satysynda túsinikteme bere almaıdy», - dep túsindirdi Qaraǵandy oblystyq sotynyń baspasóz qyzmeti.

Esterińizge sala keteıik, bul oqıǵa Sátbaev turǵyndarynyń narazylyǵyn týdyryp, eldi dúrliktirgen bolatyn.

Oqıǵa 23 shildede boldy. Sátbaev qalasynyń polıtsııasyna Jezqazǵan turǵyny óziniń 5 jasar qyzy joǵalyp ketkeni týraly habarlaǵan. Sátbaev qalalyq polıtsııa bóliminiń barlyq quramy men volonterler izdeý sharalarynyń nátıjesinde 5 jasar bala kópqabatty úıdegi páterlerdiń birinen tabyldy.

Atalmysh is boıynsha 58 jastaǵy er adamǵa kúdik keltirilip, ol ustalǵan bolatyn.

2020 jyldyń 6 qazany kúni Qaraǵandy qalasynyń tergeý ızolıatorynda jas qyzdy zorlaǵany úshin tutqyndalǵan kúdiktiniń denesi tabyldy . Ol ózine qol salǵany belgili boldy.

Al qalǵan eki kúdiktige qatysty bıylǵy jyldyń maýsymynda sot úkimi shyqqan bolatyn.

«P-nyń áreketin aýyrlatatyn jaǵdaı – qylmysty mas kúıde jasaý. Jeńildetetin mán-jaılar anyqtalǵan joq. Baıandalǵandy eskere otyryp, oǵan jazany qaýipsizdigi tótenshe mekemede óteý, ómir boıyna bas bostandyǵynan aıyrý jazasy taǵaıyndaldy. Bul rette, merzimniń alǵashqy 5 jyly tolyq qaýipsizdik mekemesinde ótelýi kerek», - dep málimdedi sottyń baspasóz qyzmetinen.

Ekinshi aıyptalýshyǵa keletin bolsaq, zań áıelderge ómir boıyna bas bostandyǵynan aıyrýdy taǵaıyndaýǵa tyıym salady (QK-niń 46-baby). Sondyqtan sottalýshy P.-ǵa qylmystardyń jıyntyǵy boıynsha 22 jylǵa bas bostandyǵynan aıyrý jazasy taǵaıyndaldy. Oǵan ómir boıyna pedagogıkalyq laýazymdardy jáne kámeletke tolmaǵandarmen jumys isteýge baılanysty qyzmetterdi atqarýǵa tyıym salyndy.



Joǵary qaraı