Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sátbaevta júk kóligi jaıaý júrginshini qaǵyp ketti

2021 jyldyń 23 qazan 2021 08:54

QARAǴANDY. QazAqparat – Qaraǵandy oblysynyń Sátbaev qalasynda «Shansıman» júk kóligi jaıaý júrginshiler ótkelinen ótip bara jatqan adamdy qaǵyp ketken. Ol alǵan jaraqattarynan qaıtys boldy, dep habarlaıdy QazAqparat tilshisi.

Áleýmettik jelilerde Sátbaevta bolǵan jol-kólik oqıǵasynyń vıdeosy paıda boldy. Kadrlarda júk kóliginiń júrgizýshisi baıaý qozǵalǵanyn kórýge bolady. Alaıda aýyr kólikti toqtata almaı, nátıjesinde adamdy qaǵyp ketken. Jaıaý júrginshi alǵan jaraqattarynan qaıtys boldy.

«Bul júrgizýshi jyldamdyqty asyrmaǵan, alaıda kólik quraly men júktiń erekshelikterin eseptemegen jáne ýaqtyly tejeý sharalaryn qoldanbaǵan jaǵdaıdy kórip otyrmyz. Jol qozǵalysy erejelerinde júrgizýshi qozǵalys qarqynyn, kólik quraly men júktiń erekshelikteri men jaı-kúıin, jol jáne meteorologııalyq jaǵdaılardy eskere otyryp, kólikti shekteýden aspaıtyn jyldamdyqpen júrgizýi kerek», - dedi Qaraǵandy oblysy polıtsııa departamentiniń anyqtaý basqarmasynyń bastyǵy Almaz Salamatov.

33 jastaǵy júrgizýshige qatysty qylmystyq is sotqa berildi. QK-niń 345-baby 3-bóligi kinálini 5 jylǵa deıin bas bostandyǵynan aıyrýdy qarastyrady.


Joǵary qaraı