Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Saýd Arabııasynda ballıstıkalyq zymyran atyldy

2022 jyldyń 24 qańtar 2022 15:45

ER-RIıAD. QazAqparat - 23 qańtar, jeksenbi kúni ıemendik hýsıtterdiń «Ansar Allah» qozǵalysy Saýd Arabııasynyń ońtústik-batysynda ornalasqan Djızan qalasyna ballıstıkalyq zymyranmen shabýyl jasady, dep habarlaıdy QazAqparat ArabNews-ke silteme jasap.

«Hýsıt kóterilisshileri Djızan qalasyna ballıstıkalyq zymyranmen aıaýsyz shabýyl jasady. Bul hýsıtterdiń ındýstrıaldy aımaqtaǵy ártúrli ult ókilderiniń beıbit turǵyndaryna shabýyl jasaýynyń úshinshi áreketi. Keltirilgen shyǵyn eseptelýde», - delingen Saýd Arabııasy bastaǵan halyqaralyq koalıtsııanyń málimdemesinde.

Shabýyl nátıjesinde Sýdan Men Bangladesh azamattary bolyp tabylatyn eki sheteldik jaraqat aldy. Sondaı-aq, materıaldyq zalal týraly habarlandy. Saýd Arabııasynda atylǵan zymyrannyń bólikteri Iemen shekarasyna jaqyn ornalasqan Djızan qalasynyń Ahad ál-Masarıha ónerkásiptik aımaǵynda qulady.

Abý-Dabı Vashıngtonnan hýsıtterdi terrorıstik top dep tanýdy talap etti, al 22 qańtarda BAÁ Іshki ister mınıstrligi ushqyshsyz ushaqtar men jeńil sporttyq ushaqtardy jeke paıdalanýǵa tyıym saldy. Iemende 2014 jyldyń tamyz aıynan beri úkimet kúshteri men hýsıtter arasyndaǵy qaqtyǵys jalǵasýda. Ol óziniń eń belsendi kezeńine 2015 jyldyń naýryz aıynda Saýd Arabııasy bastaǵan koalıtsııanyń elge basyp kirýimen kirdi. Jeti jyldan astam ýaqyt boıy jalǵasyp kele jatqan qaqtyǵys álemdegi eń iri gýmanıtarlyq daǵdarysty týdyrdy.


Basty sózder: Álem,
Joǵary qaraı