Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Saýda mınıstrligi alkogol men temeki satyp alarda kýálik usynýdy mindetteıtin erejeni ózgertti

2020 jyldyń 20 tamyz 2020 04:20

NUR-SULTAN. QazAqparat - Saýda mınıstrligi alkogol men temeki ónimin satýǵa qatysty ishki saýda erejelerine ózgeris engizdi, dep habarlaıdy QazAqparat mınıstrliktiń baspasóz qyzmetine silteme jasap.

19 tamyzda Saýda jáne ıntegratsııa mınıstrligi «Іshki saýda qaǵıdalaryn bekitý týraly» QR Ulttyq ekonomıka mınıstriniń m.a. 2015 jylǵy 27 naýryzdaǵy № 264 buıryǵyna ózgertti.

Eske sala ketsek, QR Halyq densaýlyǵy jáne densaýlyq saqtaý júıesi týraly kodeksiniń 110-babyna sáıkes alkogol ónimderi men temeki buıymdaryn, (qorqorǵa arnalǵan temekini, qorqor qospasy) satýshy satyp alýshydan jeke basyn kýálandyratyn qujatty kórsetýdi talap etýge, eger qujat usynylmaǵan jaǵdaıda atalmysh taýardy satýdan bas tartýǵa quqyly.

Mınıstrlik baspasóz qyzmetiniń habarlaýynsha, jańa kodeks qabyldanǵannan keıin alkogol men temeki ónimin satyp alý kezinde barlyq satyp alýshyǵa jeke basyn kýálandyratyn qujattyn usyný qajettiligine baılanysty azamattardyń shaǵymy jıilep ketken.

«Kodeks boıynsha barlyq satyp alýshy satýshy onyń jasyn anyqtaý úshin jeke basyn kýálandyratyn qujatyn usynýǵa mindetti. Eger qujatty teksergennen keıin satyp alýshynyń jasy 21 jastan asqan bolsa, tek osy jaǵdaıda satýshy taýardy satady», delingen habarlamada.

Alkogol men temekini satyp alýshynyń 21 jasqa tolǵanyna satýshynyń kúmáni bolǵan jaǵdaıda ǵana jeke basyn kýálandyratyn qujatty talap etedi.


Joǵary qaraı