Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Saýda mınıstrligi jyl saıyn eksportqa baǵyttalǵan 100 kompanııany daıyndamaq

2020 jyldyń 26 qazan 2020 14:24

NUR-SULTAN. QazAqparat – Saýda jáne ıntegratsııa mınıstri Baqyt Sultanov 2025 jylǵa deıin jyl saıyn eksportqa baǵyttalǵan 100 kompanııa daıyndalatynyn málim etti, dep habarlaıdy QazAqparat tilshisi.

«Ókinishke qaraı bizdiń elde turaqty eksporterlardyń sany tym az. Jalpy kompanııalardyń 2 paıyzy ǵana (445 sýbekt) shetelge ónimin shyǵarýda. Áıtse de osy eksporterlardyń 81 paıyzynyń shaǵyn jáne orta bıznes ókili ekeni qýantady. Olardyń úlesi jyl sanap artyp keledi», - dedi Baqyt Sultanov OKQ-da ótken baspasóz máslıhatynda.

Qazaqstandyq eksporter-kompanııalardyń kóbi Almaty, Nur-Sultan men Shymkent qalalarynda shoǵyrlanǵan. Prezıdent qyrkúıek aıyndaǵy Joldaýynda jańa eksporttaýshylarǵa qol kórsetý qajettiligine basa nazar aýdarǵan edi. Ol shıkizattyq emes óndirýshiler úshin eksportty jedeldetý baǵdarlamasyn iske qosýdy tapsyrdy. Sondyqtan, Baqyt Sultanov Qazaqstannń halyqaralyq seriktesi PricewaterhouseCoopers-pen birge tyń baǵdarlama iske qosylǵanyn málim etti.

«Bıyl biz maqsatty naryq retinde Qytaıdy tańdadyq. Qajettilikter turǵysynan bul eń kúrdeli, biraq sonymen birge múmkindikter turǵysynan orasan zor naryq. Akseleratorǵa qatysý úshin nıet bildirgen 500 kompanııanyń ishinen Qytaıǵa ónimin eksporttaýǵa baǵyttalǵan 35 tamaq ónerkásibi kásiporny tańdaldy. Osy jyldyń qarasha aıyna deıin bul kompanııalar biliktilikti arttyrý kýrstarynan ótip, qajetti eksporttyq quzyrettilikterge ıe bolady. Akseleratorǵa qatysýshy kompanımıalar óz ónimderin Shanhaıdaǵy 3-shi Halyqaralyq ımporttyq taýarlar men qyzmetter kórmesinde usynady», - deıdi ol.

Baqyt Sultanov endigi mindeti – 2025 jylǵa deıin turaqty eksporter-kompanııalardyń sanyn 100-ge arttyryp, olardyń sanyn 1000-ǵa jetkizý kózdelip otyrǵanyn aıtty.


Joǵary qaraı