Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Saýl Alvares ekinshi orta salmaqta WBC jáne WBA tıtýlyn jeńip aldy

2020 jyldyń 20 jeltoqsan 2020 12:36

NUR-SULTAN. QazAqparat – Tórt salmaq sanaty boıynsha álem chempıony meksıkalyq Saýl «Kanelo» Alvares (53-1-2, 36 KO) AQSh-tyń Tehas shtatynda brıtandyq Kallým «Mundo» Smıtke (27-0-0,19KO) qarsy kezekti jekpe-jegin ótkizdi, dep habarlaıdy QazAqparat.

Jekpe-jekte ekinshi orta salmaqta WBC/WBA jáne The Ring tıtýly sarapqa salyndy.

12 raýndqa sozylǵan aıqasta meksıkalyq boksshy aıqyn basymdylyq tanytty. Al buǵan deıin ekinshi orta salmaqta birinshi orynda bolǵan brıtandyq boksshy bastapqy 6 raýndta saýatty qarsylyq kórsete bildi. Alaıda, Saýl Alvares jekpe-jektiń ekinshi jartysynan bastap qarqynyn údete tústi.

Qortyndysynda, «Kanelo» tóreshilerdiń biraýyz sheshimimen (119-109/119-109/117-111) jeńiske jetip, ekinshi orta salmaqta WBC/WBA jáne The Ring tıtýlyn jeńip aldy.

Aıta keteıik, Saýl Alvares kásipqoı bokstaǵy mansabyn 2005 jyly jartylyaı orta salmaqtan (welterweight/66,7kg) bastaǵan bolatyn. 2011 jyly birinshi ortasha salmaqta alǵashqy chempıondyq tıtýlyn (WBC beldigi) ıemdendi. 2015 jyly orta salmaqta WBC chempıony atanyp, 2017-2018 jyly qazaqstandyq boksshy Gennadıı Golovkınmen (40-1-1,35KO) judyryqtasty. Jekpe-jek qortyndysy daýǵa ulasqanyna qaramastan, «Kanelo» orta salmaqta WBC/WBA/IBF/IBO beldikterin ıelendi.

Sondaı-aq, Saýl Alvares jartylaı aýyr salmaq jáne ekinshi orta salmaqta chempıondyq tıtýldy jeńip aldy.


Avtor Muhtar Qalımollauly
Basty sózder: Sport, Boks,
Joǵary qaraı