Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saıası jańǵyrý: Birqatar zań jobasy ázirlenbek

2021 jyldyń 13 qyrkúıek 2021 19:58

NUR-SULTAN. QazAqparat – Saıası jańǵyrý baǵdaryn jalǵastyrý aıasynda 2 zań jobasyn ázirleý ári qabyldaý josparlanyp otyr. Bul týraly QR Prezıdentiniń kómekshisi Erlan Qarın telegram kanalynda jazdy.

«Búgin, 13 qyrkúıekte Qazaqstan Respýblıkasynyń Prezıdenti «Memleket basshysynyń 2021 jyldyń 1 qyrkúıegindegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna joldaýyn júzege asyrý is-sharalary týraly» Jarlyqqa qol qoıdy. Saıası jańǵyrý jáne adam quqyǵyn qorǵaý toptamasy barnsha aýqymdy ári ol 12 tarmaqtan turady. Atap aıtar bolsaq, saıası jańǵyrý baǵdaryn jalǵastyrý aıasynda 2 zań jobasyn ázirleý ári qabyldaý josparlanyp otyr. Birinshisi aýdandardyń,oblystyq mańyzy bar qalalardyń ákimderin tikileı, onyń ishinde ilki rejımde de saılaý úshin zańnamaǵa tıisti ózgertýler engizetin bolady. Ekinshi zań depýtat mandattaryn bólý barysynda kvotalardy mindetti túre eskerý týraly normany bekitedi. Sonymen qatar áıelder men jastardan bólek azamattardyń kvotaǵa jatatyn sanattaryn keńeıte otyryp, erekshe qajettiligi bar jandarǵa da kvota bekitedi», - dep jazdy E. Qarın.

Onyń aıtýynsha, munan bólek, adam quqyǵyn qorǵaý júıesin jetildirý aıasynda Azamattyq týraly halyqaralyq pakti ekinshi fakýltatıvtik hattamasynyń erejelerimen Qylmystyq kodeks normalaryn izgilendirýge, sonymen qatar prokýrorlardyń jaýapkershiligin arttyrý maqsatynda olardyń aıyptaý aktilerin daıyndaý barysyndaǵy quziretin keńeıtý jáne tergeý nátıjelerin quqyqtyq baǵalaý tetikterin kúsheıtýge baǵyttalǵan 2 zańdy qabyldaý kózdelgen.

«Sonymen qatar osy baǵytta Memleket basshysynyń eki Jarlyǵyn daıyndaý josparlanyp otyr», - dep tolyqtyrdy QR Prezıdentiniń kómekshisi.


Joǵary qaraı