Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Saılaý Batyrsha-uly 80 jasta: Elordada ǵylymı-praktıkalyq konferentsııa ótti

2021 jyldyń 25 jeltoqsan 2021 10:13

NUR-SULTAN. QazAqparat - L.N. Gýmılev atyndaǵy Eýrazııa ulttyq ýnıversıtetinde Tótenshe jáne Ókiletti Elshi, QR Dıplomatııalyq qyzmetiniń qurmetti qyzmetkeri Saılaý Batyrsha-ulynyń 80-jyldyǵyna arnalǵan «Qazaqstan Táýelsizdigin jarııalaýdaǵy dıplomatııanyń róli» atty halyqaralyq ǵylymı-praktıkalyq konferentsııa ótti.

QR Syrtqy ister mınıstrligi baspasóz qyzmetiniń habarlaýynsha, konferentsııa jumysyna mınıstrlikter men vedomstvolardyń basshylary, QR Parlamentiniń depýtattary, Qazaqstan Respýblıkasynda akkredıttelgen sheteldik dıplomatııalyq korpýstyń ókilderi, memleket jáne qoǵam qaıratkerleri, EUÝ men basqa da joǵary oqý oryndarynyń professor-oqytýshylar quramy, stýdent-jastar qatysty.​

Qatysýshylardyń baıandamalarynda dıplomatııalyq qyzmettiń egemen eldiń ulttyq múddelerin ilgeriletýdegi mańyzdy róli talqylandy. Sonymen qatar, táýelsiz Qazaqstannyń alǵashqy dıplomattary tobynyń kórnekti ókilderiniń biri S. Batyrsha-ulynyń elimizdiń táýelsizdik tańyndaǵy syrtqy saıası baǵytyn iske asyrýdaǵy eleýli úlesi erekshe atap ótildi.




Saılaý Batyrsha-uly - memleket qaıratkeri, ómiriniń 40 jyldan astam ýaqytyn dıplomatııalyq qyzmetke arnaǵan keńes jáne qazaqstandyq dıplomat. Syrtqy saıası vedomstvo basshysynyń orynbasary retinde táýelsiz Qazaqstannyń syrtqy saıasatyn qalyptastyrýǵa jáne iske asyrýǵa tikeleı aralasty.

Ár jyldary Qazaqstannyń Ózbekstandaǵy elshisi bolyp, jáne Qazaqstannyń Mysyrdaǵy, Izraıldegi elshilikterinde jumys istedi, qazaqtardyń Birinshi Dúnıejúzilik quryltaıyn uıymdastyrýǵa belsendi atsalysty.





Basty sózder: QR SІM, Ǵylym, JOO-lar,
Joǵary qaraı