Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Saılaý ýchaskeleriniń 83,6 paıyzynda pandýs bar

2020 jyldyń 29 qazan 2020 20:12

NUR-SULTAN. QazAqparat – QR Ortalyq saılaý komıssııasynyń múshesi Erlan Daýylbaev saılaý barysynda múmkindigi shekteýli jandarǵa qandaı jaǵdaı jasalaýy qajettigin túsindirdi, dep habarlaıdy QazAqparat tilshisi.

«Zań boıynsha ýchaskelik saılaý komıssııasy múmkindigi shekteýli azamattardyń saılaý quqyqtaryn iske asyrý boıynsha qajetti sharalar qabyldaýy tıis, bul rette jergilikti atqarýshy organdar saılaý komıssııalaryna osy baǵyttaǵy jumysqa járdemdesýge mindetti. Sondaı-aq, daýys berýge arnalǵan úı-jaıdy jabdyqtaý kezinde, múmkindigi shekteýli azamattardyń saılaýshylardyń kedergisiz qol jetkizýi jáne ondaǵy daýys berýi úshin jaǵdaılar qamtamasyz etilýi tıis», - dedi E. Daýylbaev Ortalyq saılaý komıssııasynyń otyrysynda.

Atap aıtqanda, saılaý ýchaskesinde taktıldi kórsetkishter, monıtory bar kompıýterler, sondaı-aq zaǵıptar, nashar kóretinder jáne nashar estıtinder úshin arnaıy qulaqqaptar, ústeli bar jasyryn daýys berýge arnalǵan kabına jáne t. b. quraldar bolý kerek.

«Aldaǵy saılaý naýqanyna daıyndyq aıasynda maýsym aıynda 10 048 saılaý ýchaskesine túgendeý júrgizildi. Nátıjesinde saılaý ýchaskeleriniń 95,6% (9606) birinshi qabatta ornalasady. Saılaý ýchaskeleriniń 83,6%-ynda (8113) ǵımarat kireberisinde pandýstar bar, 72%-ynda (6889) ǵımaratqa kireberiste tutqalar bar. Al tek 37%-ynda (3597) ǵımaratqa kireberiste taktıldi kórsetkishter ornatylǵan. 372 saılaý ýchaskesinde nemese 4%-da arbamen júretin múgedekter úshin arnaıy lıftter bar», - dedi E. Daýylbaev.

Aıta keteıik, QR Ortalyq saılaý komıssııasy 2021 jyly 10 qańtarda ótetin QR Parlamenti jáne máslıhattary depýtattarynyń kezekti saılaýyndaǵy múmkindigi shekteýli azamattardyń saılaý quqyqtaryn qamtamasyz etý máselelerin talqylady.

2018 jyly QR «Saılaý týraly» Konstıtýtsııalyq zańynda múmkindigi shekteýli azamattardyń saılaý quqyqtaryn qamtamasyz etý jónindegi normalar alǵash bekitilgen.


Joǵary qaraı