Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saılaýdaǵy áıelder men jastar kvotasy halyqtyń túrli sanattarynyń qajettilikterin eskeredi – sarapshy

2021 jyldyń 9 jeltoqsan 2021 07:40

NUR-SULTAN. QazAqparat – QR Ádilet mınıstrligi Zańnama departamentiniń dırektory Alma Muqanova saıası partııalardyń saılaý tiziminde áıelder men jastar úshin kvota engizý reformasyna baǵa berdi, dep habarlaıdy QazAqparat.

«Birqatar memleketterdiń zańnamasynda ulttyq parlamentteriniń depýtattyq korpýsynda halyqtyń tıisti genderlik (áıelder) jáne áleýmettik toptaryna depýtattyq mandattardy kvotalaý, halyqtyń atalǵan toptarynyń kepildi parlamenttik ókildigin qamtamasyz etý týraly erejeler zańnamalyq túrde bekitilgen. Kvotalaý áıelderdiń, jastardyń, múmkindigi shekteýli adamdardyń saıası saladaǵy ókildigin qamtamasyz etýdiń bir quraly bolyp sanalady. Qazaqstan da 2020 jyly saıasattaǵy áıelder men jastardyń ókildigin ulǵaıtý maqsatynda saıası partııalardyń saılaý tizimderinde áıelder men jastar úshin 30% kvota engizýden tys qalmady», - deıdi A. Muqanova.

Osylaısha, saıası partııalar genderlik máselelerdi ilgeriletýde, jastardy qoldaýda mańyzdy ról atqara bastady jáne partııa olardy saılaý tizimderine engizý arqyly depýtattar laýazymyna kandıdattardy jyljytýdyń tikeleı mehanızmin jasady.

«Memleket basshysy 2021 jylǵy 1 qyrkúıekte «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda saılaý tizimindegi áıelder men jastar úshin 30% kvota týraly normany engizý partııalardy neǵurlym belsendi jumysqa, óz qatarlaryn jasartýǵa jáne jańa tulǵalardy izdeýge ıtermelegenin atap ótti. Alaıda, halyq qalaýlylarynyń qorytyndy quramdarynda kvota tıisti kórinis tappady. Osyǵan baılanysty, Memleket basshysy «depýtattyq mandattardy bólý kezinde kvotany mindetti túrde esepke alý týraly, kvotalanatyn azamattar tizbesin sol jerge jáne múgedek adamdardy qosa otyryp keńeıtý týraly» normany zańnamalyq bekitý qajettigin atap ótti», - deıdi sarapshy.

Onyń aıtýynsha, qazirgi ýaqytta Ádilet mınıstrligi Prezıdenttiń atalǵan tapsyrmasyn iske asyrýǵa baǵyttalǵan tıisti zań jobalaryn ázirledi.

Zań jobalary «Saıası partııalar týraly» Zańǵa jáne «Qazaqstan Respýblıkasyndaǵy saılaý týraly» Konstıtýtsııalyq zańǵa ózgerister men tolyqtyrýlardy kózdeıdi, múgedek adamdar úshin kvota belgileı otyryp, áıelder men jastardan basqa, depýtattyq mandattardy bólý jáne kvotalanatyn azamattardyń tizbesin keńeıtý kezinde kvotany mindetti esepke alý boıynsha tıisti normalar qamtylǵan.

«Kvotany esepke alýdyń mindettiligi neǵurlym mańyzdy áleýmettik máseleler men «qoǵamdyq kún tártibin» qalyptastyrýǵa, norma shyǵarý protsesine qatysý arqyly eldiń anaǵurlym osal jáne problemalyq máselelerin sheshýde osy sanattardyń pikirin eskerýge múmkindik beredi», - deıdi A. Muqanova.


Joǵary qaraı