Aýa raıy
Astana -6 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Saılaýshylar tizimindegi sáıkessizdikter retke keltiriledi - OSK

2020 jyldyń 27 qazan 2020 17:02

NUR-SULTAN. QazAqparat - QR Ortalyq saılaý komıssııasy saılaýǵa 20 kún qalǵan ýaqytqa deıin saılaýshylar tizimindegi sáıkessizdikterdi retke keltiredi. Bul týraly búgin atalǵan komıssııanyń múshesi Erlan Daýylbaev aıtty, dep habarlaıdy QazAqparat tilshisi.

«Azamattardyń biri kóshedi, endi bireýi tirkeýden shyqsa, kelesisi tirkelip jatady. Sondyqtan jeke tulǵalardyń derek bazasy boıynsha onlaın jumys júrgizilip jatyr. Saǵat saıyn ózgerister engizilip otyrady. Sol sebepti qazirden bastap saılaýshylar tizimderine muqııat qarap, málimetterdi tekserip otyrmyz. Saılaýǵa 20 kún qalǵan kezde jergilikti atqarýshy organdar saılaýshylardyń tizimin tapsyrady. Sol ýaqytqa deıin olar tizimdi sáıkestendirip, naqtylaýy tıis. Biraq, bul tek memlekettik organdardyń ǵana jumysy emes. Bul - saılaýshynyń da mindeti. Saılaýshy call-ortalyqqa nemese jergilikti atqarýshy organǵa ótinishpen júginip, tizimde bar-joǵyn, málimetteriniń durystyǵyn tekserýge quqyly. Sol sebepti qazirgi tańda aıyrmashylyqtar bolǵanymen ýaqytynda ornyna keledi», - dedi Erlan Daýylbaev OSK alańynda ótken baspasóz máslıhatynda.

Onyń aıtýynsha, daýys berýge 5 kún qalǵanda Ortalyq saılaý komıssııasy saılaýshylardyń málimetteriniń bárin qaıtadan tekserip shyǵady.

Aıta keteıik, búgin Ortalyq saılaý komıssııasynyń otyrysynda OSK tóraǵasynyń orynbasary Konstantın Petrov saılaýshylar tizimine kirgizilgen azamattardyń sany 11 820 318 adam bolǵanyn aıtty.

Al QR Іshki ister mınıstriniń birinshi orynbasary Marat Qojaevtyń málimetinshe, elimizde 18 jasqa tolǵan 11 733 944 azamat turǵylyqty jerinde tirkelgen.



Joǵary qaraı