Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Saıram aýdanynda páterlerdi tonap kelgen kúdiktiler ustaldy

2019 jyldyń 16 qyrkúıek 2019 21:50

SAIRAM. QazAqparat – Túrkistan oblysy, Saıram aýdanynda páterler men jeke úılerdi tonap kelgen kúdiktiler ustaldy. Tergeý barysynda turǵyndarǵa shamamen 2,5 mln teńge shyǵyn keltirilgeni anyqtaldy, dep habarlaıdy QazAqparat tilshisi.

Oblystyq PD bspasóz qyzmetiniń málimetinshe, kúdiktilerdi ustaýǵa jergilikti turǵynnyń aryzy sebep bolǵan. Shaǵymdanýshy qyrkúıek aıynyń basynda úıine belgisiz bireýler kirip, shkaftan altyn buıymdaryn urlap ketkenin kórsetken. Úı ıesine jalpy somasy jarty mıllıonnan astam teńge shyǵyn keltirilgen.

Atalǵan qylmysty ashý maqsatynda tájirıbeli iz kesýshilerden quralǵan jedel-tergeý toby qurylyp, qajetti is-sharalar júrgizildi. Nátıjesinde baýkespelerdi Túlkibas aýdanynda kezekti urlyq ústinen ustady. Olardyń ishinde bireýi buryn sotty bolǵany anyqtaldy. Artynsha urlanǵan zattardy satyp alýshylar qolǵa tústi. Olar Shymkent qalasynyń turǵyndary bolyp shyqty. Búgingi tańda atalǵan jaıt Saıram aýdandyq Polıtsııa basqarmasynda QR QK-niń 188-baby «Urlyq» boıynsha tirkeýge alynyp, tergeý amaldary júrgizilýde. Jaýap alý kezinde ustalǵandardyń 15 páter urlyǵyna qatysty barlyǵy anyqtalyp otyr.

«Olar úı ıeleriniń joqtyǵyn paıdalanǵan. Keıde tereze arqyly aqsha, altyn buıymdar, tehnıka jáne basqa da qundy zattardy urlap otyrǵan. Al, urlanǵan zattardy satyp, odan túsken aqshany óz qajettilikterine jumsaǵan. Qazirgi ýaqytta kúdiktiler qamaýǵa alynyp, istiń barlyq mán-jaıy jáne ustalǵandardyń basqa da urlyqqa qatystylyǵy anyqtalyp jatyr»,- delingen habarlamada.





Joǵary qaraı