Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Saıramdyq kásipkerlerdiń ónimderine sheteldikter de qyzyǵýshylyq tanytýda

2020 jyldyń 27 qarasha 2020 02:40

SAIRAM.QazAqparat – Túrkistan oblysy, Saıram aýdanyndaǵy kásiporyndardyń ónimderine sheteldikter de qyzyǵýshylyq tanytýda. Birikken Arab Ámirlikteriniń kásipkerleri atalǵan aýdanda shyǵarylǵan qaýyn-qarbyz shyryny men tuzdyǵyna, onyń qabyqtarynan jasalǵan táttilerge tapsyrys bergen, dep habarlaıdy QazAqparat tilshisi.

Aýdanǵa issaparmen barǵan oblys ákimi Ómirzaq Shókeev tıisti sala basshylaryna baqsha daqyldaryn óńdeý boıynsha arnaıy joba ázirlep, kásipkerlerge qoldaý kórsetýdi tapsyrdy. Aımaq basshysy sondaı-aq, aýyl sharýashylyǵy taýar óndirýshileriniń kórmesine de qatysty. Onda jergilikti dıqandar men jemis-jıdek, kókónis jáne baqsha daqyldaryn óńdeýmen aınalysatyn kásiporyn ókilderi túrli ónimderin usynǵan.

Aımaq basshysy aýyl sharýashylyǵy ónimderine asa baı óńirde ásirese olardy óńdeý isin damytý qajettigin atap ótti. Máselen, «ıÝjanka» JShS osydan eki jyl buryn toqtap qalǵan zaýyt isin qaıta jandandyryp, kókónis pen baqsha daqyldarynyń 20-dan astam konservilengen ónimderin shyǵara bastaǵan. Zaýyt qojaıyndary úkimet tarapynan qoldaý taýyp, 11 mln teńge kóleminde sýbsıdııaǵa jańa qural-jabdyqtar satyp alǵan. Qaýyn - qarbyz táttilerin shyǵaratyn kásipkerler taıaýda Nur-Sultan jáne Almaty qalalaryna ónimderin joldaǵan. Otandyq ónim óndirýshiler aldaǵy ýaqytta álemdik naryqty baǵyndyrýdy kózdeıdi.




Aıta keteıik, aǵymdaǵy jyly aýdanda aýyl sharýashylyǵy daqyldary 52 myń ga jerge egilgen. Jalpy ónim kólemi 73,5 mlrd.tg –ge jetip, kórsetkish 103,3 % quraǵan. Negizgi kapıtalǵa 5,1 mlrd teńgege tartylǵan.





Joǵary qaraı