Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Saıyn Muratbekov atyndaǵy áńgimeler baıqaýy jarııalandy

2021 jyldyń 15 qazan 2021 19:00

NUR-SULTAN. QazAqparat – Jazýshy Saıyn Muratbekovtiń 85 jyldyq mereıtoıyna arnalǵan «Jýsan ıisi» ádebı baıqaýy jarııalandy, dep habarlaıdy QazAqparat.

«Qazaq ádebıetiniń kórnekti ókili, jazýshy Saıyn Muratbekovtiń 85 jyldyǵyna oraı, S.Seıfýllın atyndaǵy Almaty oblystyq ámbebap kitaphanasy men «Janr» Jetisý ádebı klýby Almaty oblysy Eskeldi aýdany ákimdiginiń qoldaýymen «Jýsan ıisi» atty ádebı baıqaý ótkizedi. Baıqaýdyń maqsaty – qazaq ádebıetine óshpes iz qaldyrǵan qalamgerdi eske alý jáne onyń shyǵarmashylyǵyn nasıhattaý», - delingen oblystyq kitaphananyń baspasóz habarlamasynda.

Baıqaý bir nomınatsııa – áńgime janry boıynsha ótedi. Oǵan 18 jastan asqan barlyq avtorlar qatysa alady. Baıqaý erkin taqyrypta ótedi, biraq ádepsiz sózderi bar, tárbıelik qundylyǵy tómen, basqa bir adamnyń, ulttyń ar-ojdanyna nuqsan keltiretin shyǵarmalar jiberilmeıdi. Sondaı-aq, buryn báıgege túsip, júlde alǵan shyǵarmalar men gazet-jýrnaldarda jarııalanǵan áńgimeler qatystyrylmaıdy.

Shyǵarmanyń kólemi A4 nusqasynda 14 shrıftpen 30 betten aspaýy shart. Avtor baıqaýǵa jibergen shyǵarmasyna avtorlyq quqyqtyń bar ekenine kepildik beredi. Ári shyǵarmalarynyń BAQ, jınaqtarda, ǵalamtorda, áleýmettik jelide jarııalaýyna ruqsat beredi. Uıymdastyrýshyǵa qandaı da bir qarjylyq talaptar qoıýdan bas tartady. Shyǵarmalar qazylar alqasynyń saraptaýynan ótedi. Jazýshynyń stıline, shyǵarmanyń kórkemdik ereksheligi men mazmunyna basa mán beriledi.

Shyǵarmalar 2021 jyldyń 15 qazanynan bastap, 15 qarashaǵa deıin qabyldanady. Baıqaýdyń qortyndysy jeńimpazdarǵa arnaıy habarlanyp, áleýmettik jelide jarııalanady. Baıqaýǵa usynylatyn shyǵarmalar oqy_zaly@mail.ru elektrondy poshtasy arqyly qabyldanady. Bir avtor bir shyǵarma usynýǵa quqyly. Avtor báıgege qosqan shyǵarmasymen birge ózi týraly tolyq málimet berýi kerek.

Baıqaý jeńimpazy men júldegerleri arnaıy dıplomdar men aqshalaı syılyqqa ıe bolady. Olar marapattaý saltanatyna kelip-ketý shyǵyndaryn óz moınyna alady. Onda barlyǵy úsh orynǵa (1-oryn – 300 000 tg, 2-oryn – 200 000 tg, 3-oryn – 150 000 tg) júlde tigiledi. Qosymsha yntalandyrý syılyqtary taǵaıyndalady.


Avtor Aıjan Serikjanqyzy
Basty sózder: Ádebıet, Bilim,
Joǵary qaraı