Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Semeı avtobýstarynda maska taqpaǵan jolaýshylar qalaı jazalanýda

2020 jyldyń 28 qazan 2020 17:57

SEMEI. QazAqparat – Semeıde qoǵamdyq kólikte jolaýshylardyń sanıtarlyq-epıdemıologııalyq talaptardy qalaı saqtaıtyny tekserilýde, dep habarlaıdy QazAqparat tilshisi.

Karantın shekteýleri boıynsha azamattar qoǵamdyq oryndarda maska taǵyp júrýi qajet. Tártip buzýshylardan birinshi túsinikteme alynady, ekinshi ret qaıtalasa 80 myń teńge mólsherinde aıyppul salynady.

ShQO bas sanıtar dárigeriniń jańa qaýlysyna sáıkes avtobýstarda jolaýshylar kóptep shoǵyrlanbaýy tıis. Alaıda qoǵamdyq kólikterde atalǵan normalar saqtalmaıdy. Avtobýstarda ásirese tańerteńgi jáne keshki ýaqytta múlde oryn bolmaıdy.





«Oblysta koronavırýstyń jańa jaǵdaılary tirkelýleriniń bir sebebi – qoǵamdyq kólikterdegi sanıtarlyq talaptardyń buzylýy. Avtobýs jolaýshylary ara-qashyqtyqty saqtaý kerek. Biraq buǵan halyqty kinálaýǵa bolmaıdy. Bul avtobýs parkteri basshylarynyń jaýapkershiligi. Biz tıisti sharalar qabyldap, park basshylaryna jolaýshylardy qalaı otyrǵyzý jóninde hat joldamaqpyz», - deıdi qalalyq Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń bas mamany Murat Chenemesov.

Onyń aıtýynsha, avtobýs jolaýshylarynyń maska rejımin saqtaýyna tekserý júrgizilýde.

«Búgin avtobýsta maska kımeı otyrǵan áıel adamdy baıqadyq. Onyń maskasy bar, biraq ony taqpaı, qaltasyna salǵan. Biz odan túsinikteme alyp, materıaldardy tıisti mekeme joldadyq. Osy rette, qala turǵyndaryn ózderiniń jáne jaqyndarynyń qaýipsizdigin saqtaý úshin qoǵamdyq oryndarda maskamen júrýge shaqyramyz, – deıdi.

Aıta keteıik, sońǵy kúnderi Semeıde maska rejımin buzǵan 100-ge jýyq adamǵa aıyppul rásimdelgen. Reıd áli de jalǵasýda.








Joǵary qaraı