Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeı turǵyndary qoqys polıgonynan shyqqan órt tútinine tunshyǵýda

2021 jyldyń 20 qyrkúıek 2021 14:45

SEMEI. QazAqparat – Semeı qalasynyń turǵyndary qoqys polıgonyndaǵy órttiń qoıý tútinine tunshyǵyp jatqandyqtaryn aıtyp, dabyl qaǵýda, dep habarlaıdy QazAqparat tilshisi.

Sońǵy kúnderi Semeı halqy áleýmettik jelilerde qoqys polıgonyndaǵy órttiń saldarynan dem alý múmkin emestigin aıtyp shaǵymdanýda. Osy máselege oraı QazAqparat tilshisi qalalyq TÚKSh bóliminiń basshysy Amantaı Ótelbaevqa habarlasqan edi.

«Bul qoqys polıgony jergilikti jeke kásipkerlerdiń birine tıesili. Ol óziniń qorshalǵan aýmaǵynda qoqys úıindilerin órteıdi. Alaıda bul qala ekologııasyna eleýli zııanyn tıgizip jatyr. Sol mańdaǵy jer úılerde turatyn azamattar buǵan narazylyqtaryn bildirýde. Balalar qara tútindi jutpas úshin syrtqa shyǵyp oınaýdan qaldy. Aýanyń buzylǵandyǵyn aıtqan jurt óz densaýlyqtary úshin alańdaıdy. Al polıgon ıesi bolsa eshqandaı shara qoldanbaı keledi», - dedi ol.

Onyń aıtýynsha, arnaıy komıssııa qurylyp, polıgonǵa tolyqqandy tekserý jumystary júrgizilmek.

«Jeke kásipker kemshilikterdi joıyp, talapqa sáıkes jumys istemese onymen kelisimshart buzylady. Tekserý aıaqtalǵan soń oblystyq Ekologııa departamenti men tabıǵat qorǵaý polıtsııasy polıgon ıesine qatysty tıisti shara qoldanady. Qazirgi ýaqytta biz jańa polıgonnyń jobasyn da ázirlep qoıdyq. Onda qoqys óńdelip, zań talaptary tolyqtaı saqtalatyn bolady», - dedi Amantaı Ótelbaev.


Joǵary qaraı