Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde 17 mln teńge jymqyrǵan bank qyzmetkeri sottaldy

2021 jyldyń 29 shilde 2021 20:21

SEMEI. QazAqparat – Semeı qalasynda 17 mln teńge jymqyrǵan bank qyzmetkeri 7 jylǵa bas bostandyǵynan aıyryldy, dep habarlaıdy QazAqparat tilshisi.

Qalalyq №2 sotta bankterdiń biriniń burynǵy qyzmetkerine qatysty QR Qylmystyq Kodeksiniń 189-baby 4-bóliginiń 2-tarmaǵy (Qyzmettik laýazymyn paıdalana otyryp asa iri kólemde aqsha jymqyrý) boıynsha qylmystyq is qaraldy.

«Sot barysynda anyqtalǵandaı, aıyptalýshy ótken jyldyń tamyzy men qarasha aılary aralyǵynda bankomattardan jalpy somasy 17 095 000 teńgeni urlap, utys oıyndaryna jumsaǵan. Prokýror ony 8 jyl bas bostandyǵynan aıyrýdy surasa, jábirlenýshiniń ókili zańǵa sáıkes jazalaýdy ótindi», - dep habarlady sottyń baspasóz qyzmeti.

Sot sheshimimen banktiń burynǵy qyzmetkeri qarjy salasynda jaýapty laýazymdardy atqarý quqyǵynan 10 jylǵa aıyrylyp, 7 jyl merzimge túrmege qamaldy. Úkim áli zańdy kúshine engen joq.



Joǵary qaraı