Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde azyq-túlik baǵasyn turaqtandyrý úshin qandaı jumys atqarylýda

2021 jyldyń 24 qarasha 2021 19:20

SEMEI. QazAqparat – Semeı qalasy ákiminiń orynbasary Darhan Jórgekbaev «Azyq-túlik baǵasyn turaqtandyrý úshin qandaı jumys atqarylýda?» degen suraqqa jaýap berdi, dep habarlaıdy QazAqparat tilshisi.

«Baǵany turaqtandyrý maqsatynda bólshek saýda nysan basshylarymen áleýmettik mańyzy bar azyq-túlikke 10%-dan aspaıtyn eń tómengi ústemeni qoldaný boıynsha 520 memorandým jasaldy. «Ertis» áleýmettik-kásipkerlik korporatsııasy» AQ saýda pavılondarynda taýarlar belgilengen baǵalar boıynsha esh ústemesiz satylady. Jyl basynan beri atalǵan korporatsııaǵa 3100 tonna jemis jáne kókónis ónimderi alynǵan. Onyń ishinde kartop – 1500 tonna, qyryqqabat – 450 tonna, sábiz – 400 tonna, pııaz – 750 tonna», - dedi ol qalalyq Aqparat ortalyǵynda ótken baspasóz konferentsııasynda.

Darhan Jorgekbaevtyń aıtýynsha, birinshi surypty nan baǵasyn ósirmeý maqsatynda turaqtandyrý qoryna 200 tonna un jetkizilgen.

«Turaqtandyrý qorynyń ónimderin «Ertis» ÁKK» AQ-nyń 10 saýda pavılonynan alýǵa bolady. Sondaı-aq qosymsha pavılondar salýǵa shahar boıynsha 9 jer ýchaskesi bólingen», - dedi Semeı ákiminiń orynbasary.


Joǵary qaraı