Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde azyq-túlik qymbattaýda: Ákimdik baqylaýdy kúsheıtti

2021 jyldyń 14 maýsym 2021 23:36

SEMEI. QazAqparat – Semeıde kartop, sábiz, sút jáne aıran baǵasy birshama ósken, dep habarlaıdy QazAqparat tilshisi.

Semeı qalasynyń kásipkerlik bóliminiń basshysy Danııar Shákárimov baspasóz máslıhaty barysynda baǵanyń ósý sebepteri jáne áleýmettik mańyzy bar taýarlar qunyn birqalypty ustap turý boıynsha qabyldanyp jatqan sharalar týraly aıtyp berdi.

«Kókónis baǵasynyń ósýi turaqtandyrý qoryndaǵy ónimderdi satýdyń aıaqtalýyna, ótken jylǵy ónim qorynyń azaıýyna jáne bıylǵy ońtústik óńirler men kórshi memleketterden joǵary sapaly kókónistiń jetkizilýine baılanysty bolyp otyr. Sút jáne aıran baǵasyn turaqtandyrý úshin ónimder Borodýlıha, Besqaraǵaı aýdandaryndaǵy sút óndirýshilerden jáne Óskemen qalasynyń «Vostok Moloko«, «Emıl«, Pavlodardyń «Molkom« sút óńdeý kásiporyndarynan jetkizilmek, - deıdi Danııar Shákárimov.

2021-2022 jyldarǵa Semeı qalasy úshin 3500 tonna jemis pen kókónis ónimderin satyp alý josparlanǵan. Onyń ishinde kartop – 1500 tonna (ótken jylmen salystyrǵanda kólemi 50%-ǵa artyq), qyryqqabat – 850 tonna, sábiz – 400 tonna, pııaz – 750 tonna.

«Sondaı-aq bıyl naýryz aıynan bastap Semeı qalasynda jumyrtqa óndirý boıynsha «SEMEI QUS« JShS qus fabrıkasy jumys isteı bastady. Birinshi sanattaǵy taýyq jumyrtqasynyń baǵasy – 220 teńge, ekinshi sanattaǵylar – 150 teńgeni qurap otyr. Aıta keteıik, monıtorıngilik toptar bekitilgen kestege sáıkes qalada azyq-túlik baǵasynyń negizsiz ósýine jol bermeý maqsatynda reıdterge shyǵýda», - dedi bólim basshysy.


Joǵary qaraı