Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Semeıde Balalar jylyna oraı 3000-ǵa jýyq shara ótedi

2022 jyldyń 16 mamyr 2022 14:10

SEMEI. QazAqparat – Semeı qalasynda Balalar jylyna oraı bıyl 3000-ǵa jýyq shara ótkizý josparlanǵan, dep habarlaıdy QazAqparat tilshisi.

Memleket basshysy Qasym-Jomart Toqaevtyń 2022 jyldy «Balalar jyly» dep jarııalaýyna oraı Semeıde balalardy qorǵaýǵa, sapaly bilimmen qamtýǵa jáne densaýlyqtaryn nyǵaıtýǵa baǵyttalǵan sharalar jospary bekitilgen.

«Búginde qala boıynsha 48 622 bala bar. Osy jyly balalarǵa arnalǵan ár túrli deńgeıdegi 3000-ǵa jýyq shara ótkizý josparlanǵan. Jyl basynan beri 285 shara uıymdastyryldy. Oqýshylar murajaılar men teatrlarǵa tegin baryp, respýblıkalyq baıqaýlarǵa qatysýda. Múmkindigi shekteýli balalarǵa arnalǵan festıvalder ótedi», - dedi qalalyq mádenıet jáne tilderdi damytý bóliminiń basshysy Nazerke Aqqojına.

Onyń aıtýynsha, úıde oqıtyn balalardyń bos ýaqytyn uıymdastyrýǵa volonterdi tartý boıynsha «Men seniń dosyńmyn» óńirlik aktsııasy qolǵa alynǵan. Sondaı-aq bolashaq blogerler, jýrnalıster, dızaınerler, aqyndar, ánshiler, eriktiler, jol júrý ınspektorlary arasynda konkýrstar ótkizý kózdelip otyr.

«Bul jyl konkýrs, festıvaldarmen shektelmeıdi. Qıyn ómirlik jaǵdaıǵa tap bolǵan otbasylardy qoldaý boıynsha is-sharalar da josparlanǵan. Jaqynda Semeıdegi mádenıet salasynyń qyzmetkerleri jedel otany qajet etetin kishkentaı semeılik balaǵa qarjylaı kómektesti», - dedi Nazerke Aqqojına.

Esterińizge sala ketsek, osyǵan deıin Óskemende Balalar jylyna oraı sýret kórmesi ashylǵanyn habarlaǵan edik.


Joǵary qaraı