Aýa raıy
Astana 4 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde dúkenniń shatyry órtendi

2020 jyldyń 23 qyrkúıek 2020 23:34

SEMEI. QazAqparat – Semeı qalasyndaǵy «Svetofor» dúkeniniń shatyry órtendi, dep habarlaıdy QazAqparat tilshisi.

Qalalyq Tótenshe jaǵdaılar basqarmasy baspasóz qyzmetiniń málimetine súıensek, 23 qyrkúıek kúni saǵat 11.15-te Kabelnyı pereýlok kóshesindegi dúkenniń shatyrynan órt shyqqany týraly habar túsken. Oqıǵa ornyna birden №39 jáne №11 órt sóndirý bólimshelerinen 7 adam men 2 avtotsısterna jumyldyryldy. Olar sol jerge jetkenshe dúken kelýshileri syrtqa shyǵyp úlgergen.

«Dúkenniń aǵash shatyryn sharpyǵan qyzyl jalynnyń jalpy aýmaǵy 4 sharshy metrdi qurady. Órtti sóndirýshiler jarty saǵattyń ishinde tilsiz jaýdy tolyqtaı sóndirdi. Zardap shekken eshkim joq», - dep habarlady vedomstvo ókilderi.

Órttiń shyǵý sebebi – otpen abaısyz áreket etýden bolýy múmkin. Oqıǵanyń mán-jaıy anyqtalyp jatyr.



Joǵary qaraı