Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde qonaq úıde psıhotroptyq zattar saqtaǵan Qostanaı turǵyny ustaldy

2021 jyldyń 22 qyrkúıek 2021 16:51

SEMEI. QazAqparat – Semeı qalasynda qonaq úıde psıhotroptyq zattar saqtaǵan Qostanaı oblysynyń turǵyny ustaldy, dep habarlaıdy QazAqparat tilshisi.

Qalalyq Polıtsııa basqarmasynyń tártip saqshylary esirtki qylmysyna qarsy is-qımyl sharalary barysynda kezekti operatsııa ótkizdi. Polıtseıler shahardaǵy qonaq úılerdiń birinde psıhotroptyq zattardy zańsyz saqtaǵan Qostanaı oblysynyń 22 jastaǵy turǵynyn ustady.

Qonaq úı nómirin tintý kezinde sómkeden erekshe ıisi bar, aq tústi, untaq tárizdi zat salynǵan polımerli paket jáne elektrondy tarazy tabyldy. Saraptama qorytyndysyna sáıkes, bul pırrolıdınalerofenon, Alfa-PVP syndy psıhotroptyq zattar bolyp shyqty. Onyń jalpy salmaǵy – 155,205 gramm»,-dedi basqarma bastyǵy Shalqar Qunanbaev.

Qazirgi ýaqytta kúdikti ýaqytsha ustaý ızolıatoryna qamaýǵa alynǵan. Atalǵan fakti boıynsha QR Qylmystyq Kodeksiniń 297-baby 3-bóligine sáıkes sotqa deıingi tergeý amaldary bastaldy.


Joǵary qaraı