Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde maska taqpaǵandarǵa aıyppul salynýda

2021 jyldyń 10 mamyr 2021 19:21

SEMEI. QazAqparat – Shyǵys Qazaqstan oblysynda karantın shekteýlerin saqtamaıtyndar áli de anyqtalýda, dep habarlaıdy QazAqparat tilshisi.

Óńirde arnaıy qurylǵan monıtorıngtik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.

«9 mamyr kúni Semeı qalasynda 345 obekti tekserildi. Oblystyń Bas sanıtarlyq dárigeri belgilegen shekteý sharalaryn buzýdyń 4 faktisi tirkeldi. Naqty aıtqanda, saýda oryndarynda, qoǵamdyq tamaqtaný obektilerine maska rejımin saqtamaǵandar anyqtaldy», - delingen ShQO Aqparat ortalyǵy taratqan málimette.

Sonymen qatar Rıdder, Kýrchatov qalalarynda jáne Abaı, Úrjar, Shemonaıha, Besqaraǵaı aýdandarynda reıd júrgizilgen. Karantın talabyn buzǵandar tirkelgen joq.

Aıta keteıik, jalpy 1 kún ishinde oblys boıynsha myńnan astam nysan tekserilgen.


Joǵary qaraı