Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde mektep ashanalary jumys istemeıdi

2020 jyldyń 15 tamyz 2020 17:52

SEMEI. QazAqparat - Semeı qalasynyń ákimi Ermak Sálimov mektepterdiń jańa oqý jylyna daıyndyǵy týraly baıandady, dep habarlaıdy QazAqparat qalanyń Aqparattyq ortalyǵyna silteme jasap.

Qala ákimi onlaın brıfıngide mektepterdiń oqý jylyna daıyndyǵy týraly aıtyp berdi.

Qalada 66 mektep bar, onyń 15 aýyldyq jerde ornalasqan. Jańa oqý jylynyń alǵashqy toqsany, 54 mektepte, qashyqtan oqý formatynda ótedi. Dástúrli oqytý formaty aýyldy jerdegi shaǵyn mektepter men sanıtarlyq normasy qatań saqtalǵan bastaýysh synyptardaǵy kezekshi toptarda júredi. Onda áleýmettik ara qashyqtyq saqtalady, bala sany 15-ten aspaıdy. «Bir muǵalim – bir synyp» qaǵıdaty eńgiziletdi. Demek, bir muǵalim negizgi pánderdi oqytyp, qalǵan sabaq qashyqtan beriledi. Mektep ashanasy jumys istemeıdi. Osy, jáne, ózge de talaptar, balalar densaýlyǵyn saqtap, ınfektsııa taralýyna jol bermeý maqsatynda engizilip otyr.

«Jalpy, qalamyzda oqý jylyn uıymdastyrý úshin keshendi jumystar jasalýda. Qalyptasqan jaǵdaıǵa baılanysty, oryn alǵan, ýaqytsha qıyndyqtar bar. Ony barlyǵy túsinip, bilip otyr. Degenmen, bala tárbıesi men bilimi bizdiń erekshe nazarymyzda bolady. Mektep – ata-ana – oqýshy úshtiginiń birlesken jumysynyń nátıjesinde, josparymyz tolyq oryndalyp, maqsatyna jetedi dep senemin», - deıdi qala ákimi.

Qosymsha bilim berý uıymdarynyń jumysyna keletin bolsaq, olardyń barlyǵy sabaqtardy negizinen qashyq rejıminde ótkizedi. Biraq, ata-analardyń qalaýynsha, balalar 5 adamǵa deıin shaǵyn toptarda nemese jeke-jeke oqı alady.

Sonymen qatar, balalar «Mektep» onlaın platformasy, «Balapan» jáne «Elarna» telebaǵdarlamalary boıynsha da oqıtyn bolady.

«Oqý barysynda az qamtylǵan otbasylardyń balalary qajetti kompıýter jáne bnternetpen qamtamasyz etiledi. Internet provaıderdiń tehnıkalyq múmkindigine baılanysty qala turǵyndarynyń ınternet jyldamdyǵy orta eseppen 4-ten 80 Mbıt / s-qa deıin bolyp tur. Álsiz ınternet Ushaqtar kenti, Voshod, Aqsaı aýyldarynyń keıbir jerlerinde jáne Qaraǵaıly shaǵyn aýdanynda baıqalady. Qazirgi ýaqytta provaıderlermen ınternetke qosylý sıgnalyn kúsheıtý jóninde kelissóz júrgizilip jatyr», dedi Ermak Sálimov.

Onyń aıtýynsha, mektep kitaphanalary oqýlyqpen tolyq qamtamasyz etilgen. 10-20 tamyz aralyǵynda mektepter oqýshylarǵa oqýlyq tarata bastaıdy. Bıylǵy alǵashqy qońyraý da qashyqtan ótkiziledi. «Úıde qalaı oqý kerek» jáne «Gıgıena negizderi» taqyryptary boıynsha biryńǵaı synyp saǵattaryn ótkizý josparlanýda. Jyl sońyna deıin eshqandaı merekelik sharalar ótkizilmeıdi.

Qala basshysy atap ótkendeı, oblys ákiminiń tapsyrmasy boıynsha, qarajattan áleýmettik jaǵdaıy tómen jáne kóp balaly otbasylardan shyqqan 8 064 balaǵa mektep formasy men aıaq kıim satyp alynady. Birinshi synypqa osy jyly 5 115 bala barady.


Joǵary qaraı