Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde Oraza aıt namazy kezinde sanıtarlyq talaptar qatań saqtaldy

2021 jyldyń 13 mamyr 2021 11:14

SEMEI. QazAqparat – Semeı qalasynda Oraza aıt namazy sanıtarlyq talaptardy saqtaı otyryp oqyldy, dep habarlaıdy QazAqparat tilshisi.

Búgin barsha musylman qaýym qasıetti Ramazan aıynyń aıaqtalǵanyn bildiretin Oraza aıt merekesin atap ótýde.

Osy oraıda Semeı shaharynda jańadan boı kótergen Abaı atyndaǵy meshit aýlasynda aıt namazy alǵash ret oqyldy.

«Oraza aıt merekesin erekshe atap ótip otyrmyz. Meshit aýlasynda taza aýada aıt namazyn oqydyq. Barlyq musylmandardy osy qasıetti merekemen quttyqtap, ár otbasyna amandyq tileımin. Namaz kezinde barlyq sanıtarlyq talaptar qatań saqtaldy. Aýla aýmaǵy namaz oqıtyn árbir adamǵa 4 sharshy metrden bólingen. Buǵan deıin birneshe kún buryn karantındik shekteýlerdi saqtaý qajettigi jaıly halyqqa aqparattyq-túsindirý jumystaryn júrgizgen bolatynbyz», - dedi Qazaqstan musylmandary dinı basqarmasynyń Semeı óńiri boıynsha bas ımamy Asqar Ábitaıuly.

Aıta keteıik, ótken jyly epıdemıologııalyq ahýalǵa baılanysty meshitterde dástúrli Oraza aıt namazy oqylmaǵan edi.





Joǵary qaraı