Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Semeıde sý tasqynyna daıyndyq jumystary bastaldy

2022 jyldyń 21 qańtar 2022 14:56

SEMEI. QazAqparat – Cemeı qalasynda sý tasqynyna daıyndyq jumystary bastaldy, dep habarlaıdy QazAqparat tilshisi.

Qala ákimdiginde sý tasqyny kezeńine daıyndyq jumystary boıynsha jınalys ótti.

Shahar basshysy Baqytjan Baıahmetov kommýnaldyq qyzmetterge jumystyń birińǵaı algorıtmin pysyqtaýdy, erigen qar sýy kóp jınalatyn oryndar men kóshelerdiń tizimin daıyndaýdy tapsyrdy.

Sonymen qatar ol aqpan aıynyń basyna deıin jeke sektorlardaǵy qardy shyǵarýdy aıaqtaýdyń mańyzyn atap ótti.

«Aptasyna bir ret osyndaı jınalys ótkizip, atqarylǵan jumystardy baqylaıtyn bolamyz. Qalanyń birneshe kóshesinde sýaǵar joq, al keıbir aryqtar qarmen, muzben bitelip qalady. Turǵyndardyń aıtýlarynsha, kóktemde osy kóshelerdi sý basady. Bıyl osyndaı jaǵdaı bolmas úshin barlyq sharalardy ýaqtyly qabyldaý kerek», - dedi ol.

Muz jarý jumystary ýaqytynan buryn júrgizilýi múmkin. Al sý tasqynyna qarsy sharalarǵa jumyldyrylatyn tehnıkalar saqadaı saı.





Joǵary qaraı