Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde sýǵa batyp bara jatqan 16 jastaǵy jasóspirimdi sarbazdar qutqaryp qaldy

2021 jyldyń 26 shilde 2021 12:36

SEMEI. QazAqparat – Semeı qalasynda áskerı qyzmetshiler sýǵa batyp bara jatqan 16 jastaǵy jasóspirimdi qutqaryp qaldy, dep habarlaıdy QazAqparat.

ShQO Tótenshe jaǵdaılar departamenti baspasóz qyzmetiniń málimetine súıensek, 25 shildede № 68303 áskerı bóliminiń qyzmetshileri Ertis ózeniniń jaǵalaýyn qaıyqpen jáne jaıaý patrýldep júrgen. Kenet olar sýǵa qulaǵan 16 jastaǵy jigitti qatty aǵyn alyp ketkenin baıqap qaldy.

«Saǵjan Muhtarov qutqarý keýdeshesin kıip, ózin arqanmen baılap, kómekke umtyldy. Qaýipsizdik maqsatynda onyń áriptesteri Azamat Moldashev, Talǵat Qoqabaev jáne Meıir Qazbekuly arqandy ustap, qaıyqpen júzip otyrdy. Sóıtip olar jasóspirimge jetken Saǵjan Muhtarovty arqanmen tartyp sýdan shyǵardy», - dep habarlady vedomstvo ókilderi.

Osy rette, departament mamandary óńir jurtshylyǵyn sý aıdyndarynda qaýipsizdik erejelerin qatań saqtaýǵa, jabdyqtalmaǵan jerlerde shomylmaýǵa shaqyrady.


Joǵary qaraı