Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Semeıde sýǵa batyp bara jatqan er adam qutqaryldy

2022 jyldyń 29 mamyr 2022 14:09

SEMEI. QazAqparat – Semeı qalasynda polıtseıler sýǵa batyp bara jatqan er adamdy qutqardy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 28 mamyrda keshki ýaqytta 102 jedel arnasyna Ertis ózeninde bórene ústinde qalqyp júrgen er adamǵa kómek qajettigi týraly habar túsken. Tártip saqshylary shuǵyl túrde sol jaqqa qaraı attandy.




«Polıtsııa leıtenanttary M.Idanov pen B.Altynqan sýdan shyǵa almaı, batyp ketýge shaq qalyp júrgen adamdy kórdi. Leıtenant Idanov esh oılanbastan tapansha jáne arnaıy qarýy bar belbeýdi sheship, sýǵa sekirgen. Osy kezde leıtenant Altynqan qyzmettik kólikten qutqarý sheńberin shyǵaryp, áriptesine laqtyrdy. Osylaısha, olar qala turǵynyn jaǵalaýǵa alyp shyqqan», - delingen aqparatta.

Sol jerde er adam alǵashqy medıtsınalyq kómek kórsetiledi. Sodan keıin ol dárigerlerge tapsyryldy.

Esterińizge sala ketsek, osyǵan deıin ShQO-da joǵalyp ketken jetkinshek qaraýsyz qalǵan úıden tabylǵanyn habarlaǵan edik.


Joǵary qaraı