Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde sýǵa batyp bara jatqan jasóspirimdi qutqarǵan áskerıler marapattaldy

2021 jyldyń 26 shilde 2021 18:30

SEMEI. QazAqparat – Semeı qalasynda sýǵa batyp bara jatqan jasóspirimdi qutqaryp qalǵan áskerı qyzmetshiler marapattaldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Ertis ózeniniń jaǵalaýyn qaıyqpen jáne jaıaý patrýldep júrgen № 68303 áskerı bóliminiń qyzmetshileri sýǵa batyp bara jatqan 16 jastaǵy jigitti qutqaryp qalǵan.

«Qazaqstan Respýblıkasy Tótenshe jaǵdaılar mınıstriniń buıryǵymen jasóspirimdi ajaldan arashalap qalǵan áskerı qyzmetshiler marapattaldy. Semeı qalalyq TJB bastyǵynyń orynbasary Ernar Jálelov Azamat Moldashev, Talǵat Kókabaev, Meıir Qazbekuly jáne Saǵjan Muhtarovqa óz rızashylyǵyn bildirip, alǵys hat tabystady», - dep habarlady vedomstvo ókilderi.

Esterińizge sala ketsek, osyǵan deıin Semeıde sýǵa batyp bara jatqan jasóspirimdi sarbazdardyń qutqaryp qalǵanyn habarlaǵan bolatynbyz.











Joǵary qaraı