Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde jańadan saılanǵan aýyl ákimderi tanystyryldy

2021 jyldyń 27 shilde 2021 18:25

SEMEI. QazAqparat – Semeıde jańadan saılanǵan aýyldyq okrýg ákimderi tanystyryldy, dep habarlaıdy QazAqparat tilshisi.

25 shildede Semeı óńiriniń 4 aýyldyq okrýginde ákimder saılaýy ótken bolatyn. Bıyl alǵash ret ákimderdi turǵyndardyń ózderi tańdady.

Saılaý Aınabulaq, Alǵabas, Jıenáli jáne Dostyq aýyldyq okrýgterinde boldy.

Búgin qalalyq ákimdikte eń kóp daýys jınaǵan kandıdattar tanystyryldy. Qala ákimi Baqytjan Baıahmetovtyń aıtýynsha, saılaý barlyq talaptarǵa saı ótti.

«Bıyl 4 saılaý ýchaskesi boıynsha saılaýshylar sany 1898 adamdy qurady. Onyń 90,7%-y daýys berdi. Bul óte úlken kórsetkish. Saılaýǵa 12 kandıdat qatysty. Onyń ishinde úsheýi Nur Otan partııasynan, bireýi - «Aýyl» partııasynan bolsa, qalǵany - ózin-ózi usynǵandar»,- dedi ol.




Saılaý qorytyndysy boıynsha Alǵabas aýyldyq okrýginiń ákimi Doǵalan aýylynda ornalasqan Byhın atyndaǵy mekteptiń dırektory Tólegen Qusaıynov saılandy.

Kandıdatqa saılaýshylardyń 94,5%-y daýys bergen.

Al qalǵan aýyldyq okrýgterde barlyǵy ózgerissiz qaldy. Dostyq aýyldyq okrýginiń ákimi laýazymyna burynǵy ákim Núrken Jarlykenov qaıta kiristi.

Onyń atqaratyn laýazymyndaǵy jumys tájirıbesi – 9 jyl. Oǵan saılaýshylardyń 92% daýys berdi.

Jıenáli aýyldyq okrýginiń ákimi bolyp Gúljan Syzdyhanova, al Aınabulaq aýyldyq okrýgine Jannur Ádkeev saılandy.

«Halyqtyń qoldaýyna ıe bola otyryp, óz jumystaryńyzdy jalǵastyryp, memlekettik baǵdarlamalardy iske asyryńyzdar. Halyq senim bildirgen soń, eldiń ıgiligi úshin jumys isteý sizderdiń basty mindetterińiz. Sol senimge selkeý túsirmeıtinderińizge úmitim zor», - dedi Baqytjan Baıahmetov.





Joǵary qaraı