Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıde jylý máselesin sheshý úshin 1,7 mlrd teńge bólindi

2021 jyldyń 17 qyrkúıek 2021 17:29

SEMEI. QazAqparat – Semeı qalasynda jylýmen qamtamasyz etýdegi máselelerdi sheshý úshin 1,7 mlrd teńge bólingen, dep habarlaıdy QazAqparat tilshisi.

Semeıde jylytý maýsymyna daıyndyq jumystary kestege sáıkes júrgizilip jatyr. Bul týraly shahar basshysy Baqytjan Baıahmetov ákimdikte ótken jınalys barysynda málimdedi. Byltyr jylý júıesinde apat bolyp, 580 páter jylýsyz qalǵan bolatyn. Bıyl osyndaı qıyndyq týmas úshin birqatar sharalar qolǵa alyndy.

«Jylýmen qamtamasyz etýdegi máselelerdi sheshý úshin 1,7 mlrd teńge bólindi. Onyń ishinde jylýmen qamtamasyz etý nysandaryna aǵymdaǵy jóndeý júrgizýge – 1,3 mlrd teńge, qazandyqtardy jáne jylý júıesin rekonstrýktsııalaýdyń jobalyq-smetalyq qujattamasyn ázirleýge – 447,6 mln teńge jumyldyrylǵan. Sonyń nátıjesinde, «Ortalyq», «Ǵabbasov», «103-103A», «35 kvartal», «Mal-dárigerlik ınstıtýty» qazandyqtary, Fızkýltýrnaıa, Boranbaı bı kóshelerindegi jylý júıeleri jańartylady, - dedi Baqytjan Baıahmetov.

Onyń aıtýynsha, Qaraǵaıly shaǵyn aýdanyn jylýmen qamtamasyz etý úshin «RK-3» qazandyǵyn rekonstrýktsııalaýdyń ekinshi kezeńi aıaqtaldy. Bul qazandyqtyń qýattylyǵy saǵatyna 41,95-ten 70 Gkal-ǵa deıin artpaq.


Joǵary qaraı