Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Semeıge 2 myńnan astam «Sergek» kamerasy ornatylady

2021 jyldyń 25 qarasha 2021 00:47

SEMEI. QazAqparat – Semeı qalasyna 2 myńnan astam «Sergek» kamerasy ornatylady, dep habarlaıdy QazAqparat tilshisi.

Qala ákiminiń orynbasary Darhan Jórgekbaevtyń aıtýynsha, «Sergek» foto-beınetirkeý júıesin engizý maqsatynda 5,2 mlrd teńge bólingen.

«40 jol qıylysynda jáne 74 jelilik ýchaskede 1 391 kamera, áleýmettik nysandarda, kópqabatty turǵyn úı aýlasynda, adam kóp jınalatyn jerlerde 687 kamera ornatylmaq. Bundaǵy maqsat – joldaǵy qaýipsizdikti qamtamasyz etý, jol apattarynyń aldyn alý. Bıyl qalanyń 27 kóshesi ortasha jóndeldi. Al 106 kóshe men jergilikti mańyzy bar joldar aǵymdaǵy jóndeýden ótti», - dedi ol qalalyq Aqparat ortalyǵynda ótken baspasóz konferentsııasynda.

Darhan Jórgekbaevtyń sózinshe, respýblıkalyq bıýdjet esebinen «Semeı-Qaınar» tasjolynyń 53 shaqyrymy jóndelýde. Jalpy jyl saıyn jol jóndeý jumystaryna 3 mlrd teńge bólý josparlanyp otyr.


Joǵary qaraı