Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat EAEO aýqymynda Qyrǵyzstannyń ekonomıkalyq qatynasy týraly qujatty qabyldady

2021 jyldyń 13 mamyr 2021 10:43

NUR-SULTAN. QazAqparat – Parlament Senatynyń jalpy otyrysynda «2014 jylǵy 29 mamyrdaǵy EAEO týraly shartqa Qyrǵyz Respýblıkasynyń qosylýyna baılanysty Qyrǵyz Respýblıkasynyń 2014 jylǵy 29 mamyrdaǵy EAEO týraly shartty, EAEO-nyń quqyǵyna kiretin jekelegen halyqaralyq sharttardy jáne EAEO organdarynyń aktilerin qoldanýy jónindegi jaǵdaılar men ótpeli erejeler týraly 2015 jylǵy 8 mamyrdaǵy hattamaǵa ózgerister engizý týraly hattamany ratıfıkatsııalaý týraly» Zańy qabyldandy, dep habarlaıdy QazAqparat tilshisi.

«Qyrǵyz Respýblıkasynyń Eýrazııalyq ekonomıkalyq odaq týraly shartty qoldanýy jónindegi jaǵdaılar men ótpeli erejeler týraly hattamamen Qyrǵyz Respýblıkasyna 2020 jylǵy 1 qańtarǵa deıin keıbir taýarlarǵa qatysty EAEO-nyń Biryńǵaı kedendik tarıfinde kózdelgennen neǵurlym tómen ımporttyq keden bajdardy qoldanýǵa múmkindik berildi», - dep eske saldy Saýda jáne ıntegratsııa mınıstri Baqyt Sultanov.

Onyń aıtýynsha, memlekettiń turaqsyz ekonomıkalyq jáne áleýmettik jaǵdaıyn eskere otyryp, Qyrǵyz Respýblıkasynyń Prezıdenti 2019 jylǵy jeltoqsanda Eýrazııalyq ekonomıkalyq odaq memleketteri basshylarynyń sammıti barysynda alyp qoıylatyn taýarlaryna qatysty neǵurlym tómen bajdardy qoldaný merzimin uzartý týraly ótinish bildirdi. Talqylaý qorytyndysy boıynsha memleket basshylary, sondaı-aq Joǵary Eýrazııalyq ekonomıkalyq keńestiń qurmetti tóraǵasy – QR Tuńǵysh Prezıdenti–Elbasy Nursultan Nazarbaev ótpeli kezeńdi 1 jylǵa uzartýǵa kelisti.

2021 jylǵy 1 qańtardan bastap Qyrǵyz Respýblıkasy barlyq taýarlarǵa qatysty Eýrazııalyq ekonomıkalyq odaqtyń Biryńǵaı kedendik tarıfiniń mólsherlemelerine kóshti.


Avtor Rýslan Ǵabbasov
Basty sózder: Armenııa, Senat, Qyrǵyzstan,
Joǵary qaraı