Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senat EAEO týraly shartqa ózgeris engizý týraly zań jobasyn qaraıdy

2022 jyldyń 24 qańtar 2022 16:34

NUR-SULTAN. QazAqparat - Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti.

Onda 2022 jyldyń 27 qańtarynda ótetin Senat otyrysynyń kún tártibi bekitildi, dep habarlaıdy QazAqparat Senattyń resmı saıtyna silteme jasap.

Aldaǵy Palata otyrysynda depýtattar senator Beıbit Isabaevtyń ant berýi týraly máseleni qaraıdy.

Sonymen qatar beısenbide «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» Konstıtýtsııalyq zań jobasy jáne «Qazaqstan Respýblıkasynyń keıbir zańnamalyq aktilerine ózgerister engizý týraly» zań jobasy qaralady.

Bul zań jobalary múgedek adamdardyń qoǵamdyq-saıası protsesterge qatysýyn yntalandyrý máselelerin de qamtıdy.

Sondaı-aq Bıýro otyrysy kezinde Májilisten kelip túsken birqatar zań jobasy salalyq Komıtetterge bólinip berildi. Olardyń qatarynda «2014 jylǵy 29 mamyrdaǵy Eýrazııalyq ekonomıkalyq odaq týraly shartqa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany ratıfıkatsııalaý týraly» zań jobasy da bar.


Joǵary qaraı