Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat Kaspıı teńizin qorǵaýǵa qatysty qujatty qabyldady

2021 jyldyń 23 qyrkúıek 2021 10:42

NUR-SULTAN. QazAqparat – Parlament Senatynyń jalpy otyrysynda «Kaspıı teńiziniń teńiz ortasyn qorǵaý jónindegi negizdemelik konventsııaǵa qorshaǵan ortaǵa transshekaralyq turǵydan jasalatyn áserdi baǵalaý jónindegi hattamany ratıfıkatsııalaý týraly» Zańy qabyldandy, dep habarlaıdy QazAqparat tilshisi.

«Kaspıı teńizinde kómirsýtegi shıkizatynyń iri qorynyń bolýy sý qoımasynyń ekologııasy men bıologııalyq resýrstaryn saqtaý máselesin ózekti etedi. Qorshaǵan ortany qorǵaý salasyndaǵy yntymaqtastyqtyń sharttyq bazasyn keńeıtý maqsatynda Qazaqstan Negizdemelik konventsııaǵa birqatar hattamalarǵa qol qoıdy. Solardyń biri - 2018 jylǵy 20 shildedegi Máskeýde Kaspıı mańy memleketteri: Ázerbaıjan Respýblıkasy, Iran Islam Respýblıkasy, Reseı Federatsııasy Túrkmenstan jáne Qazaqstan Respýblıkasy qol qoıǵan transshekaralyq kontekste qorshaǵan ortaǵa áserdi baǵalaý týraly hattama. Hattamamen retteýge jatatyn qyzmet túrleri anyqtaldy. Mysaly: munaı óńdeý zaýyttary, jylý qýaty 300 megavatt nemese odan joǵary jylý elektr stantsııalary men basqa da janý qondyrǵylary, atom elektr stantsııalary men basqa da atom reaktorlary, avtomobıl joldaryn salý, rekonstrýktsııalaý jáne basqada qyzmet túrleri», - dedi QR Ekologııa, geologııa jáne tabıǵı resýrstar mınıstri Serikqalı Brekeshev.

Onyń aıtýynsha, konventsııa erejelerin iske asyrý úshin 2021 jylǵy 1 shildede kúshine engen Qazaqstan Respýblıkasynyń Ekologııalyq kodeksinde transshekaralyq ekologııalyq áserdi retteý, olardy júzege asyrý tártibi, quqyqtary men mindetteri bekitilgen.

«Qazaqstannyń transshekaralyq áserlerdiń paıda bolý taraby retinde qatysýy, qorshaǵan ortaǵa áserdi baǵalaý rásimi el ishinde de, qatysty Taraptar arasynda da qatar júrgiziledi. Mysaly, Kaspııde jańa obektiler salynǵan jaǵdaıda qorshaǵan ortaǵa áserdi baǵalaý materıaldary tıisti ákimshilik-aýmaqtyq birlikterdiń jergilikti atqarýshy organdaryna jáne múddeli memlekettik organdarǵa, sondaı-aq qatysty Taraptarǵa qatar jiberiledi. Qoǵamdyq tyńdaýlarda kóterilgen máseleler boıynsha túpkilikti sheshimdi qorshaǵan ortany qorǵaý salasyndaǵy ýákiletti organ, qajet bolǵan jaǵdaıda múddeli memlekettik jáne memlekettik emes organdardy tarta otyryp qabyldaıdy», - dedi mınıstr.

Óz kezeginde Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Ábdáli Nuralıev

Hattamanyń erejeleri transshekaralyq turǵyda Qorshaǵan ortaǵa áserdi baǵalaýǵa qatysty halyqaralyq quqyqqa sáıkes Ýaǵdalasýshy Taraptardyń kez kelgen mindettemelerine nuqsan keltirmeıtinin aıtty. Transshekaralyq ekologııalyq áserdi retteý QR jańa Ekologııalyq kodeksiniń 80-84 baptarynda qarastyrylǵan.


Joǵary qaraı