Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senat múmkindigi shekteýli adamdardyń quqyqtaryna qatysty qujatty birinshi oqylymda maquldady

2021 jyldyń 16 qyrkúıek 2021 10:40

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasy talqylanyp, qujat birinshi oqylymda maquldandy, dep habarlaıdy QazAqparat tilshisi.

Senat tóraǵasy Máýlen Áshimbaev zań jobasyn ekinshi oqylymǵa ázirleý úshin Bas komıtetke tapsyrylǵanyn atap ótti. Zań jobasyn qabyldaý halyqty áleýmettik qorǵaý júıesine oń áser etedi jáne shamamen 400 myń qazaqstandyqtyń quqyqtaryn jaqsartýǵa múmkindik beredi. Atap aıtqanda, I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.

«Negizgi tujyrymdamalyq jańalyqtarǵa toqtalsaq, qujatta sebebine qaramastan, I toptaǵy múgedektigi bar adamdarǵa kútim kórsetýshilerge jańa járdemaqy túrin engizý qaralǵan. Qazirgi ýaqytta I toptaǵy 66 myń múmkindigi shekteýli jannyń arasynan árbir úshinshisi kútimi boıynsha járdemaqymen de, jeke kómekshiniń qyzmetimen de qamtylmaǵan. ıAǵnı basqa adamnyń kómegine zárý, óz betimen júrip-tura almaıtyn múgedek jandar», - dedi S. Shápkenov. Budan basqa, bala densaýlyǵynyń buzylý dárejesin jáne tynys-tirshilik áreketiniń shektelýin eskere otyryp, zań jobasynda 7 jastan 16 jasqa deıingi balalardy (múgedektik) toptar boıynsha bólý kózdelgen. Bul qadam balalar aýrýynyń dárejesine qaraı ońaltý is-sharalary men áleýmettik kómekti, onyń ishinde járdemaqylar mólsheri bóliginde saralaýǵa múmkindik beredi. Osy oraıda 30 myńnan astam múmkindigi shekteýli balaǵa qatysty bolady. Múgedektigi jáne asyraýshysynan aıyrylý jaǵdaıy boıynsha járdemaqylar bir mezgilde berilýi múmkin. Bul asyraýshysynan aıyrylǵan jáne quramynda múmkindigi shekteýli balalary bar otbasylardyń tabys deńgeıin arttyrýǵa múmkindik beredi.
«Qazirgi ýaqytta múgedektigi bar bala ata-analary ajyrasqan kezde bir mezgilde alıment pen múgedektigi boıynsha járdemaqy alady. Alaıda, ata-anasynyń (asyraýshy) biri nemese ekeýi de qaıtys bolǵan jaǵdaıda, bala tek múgedektigi boıynsha járdemaqy nemese asyraýshysynan aıyrylý boıynsha járdemaqy alady. Járdemaqynyń eki túrin bir mezgilde taǵaıyndaý ata-anasynan aıyrylǵan balalarǵa qatysty kemsitetin normany alyp tastaýǵa múmkindik beredi. Osy norma engizilgen jaǵdaıda 2 myńnan astam bala múgedektigi boıynsha járdemaqymen qatar (mólsheri 41 163 – ten 48 023 teńgege deıin), asyraýshysynan aıyrylý jaǵdaıy boıynsha járdemaqyny ala alady (mólsheri 12 063-ten 29 500 teńgege deıin)», – dep túsindirdi mınıstr.
Múmkindigi shekteýli balalar turǵyn úı kezegine turý quqyǵyna qatysty jańa norma engiziledi.
«Qujatta múgedektigi bar balany tárbıelep otyrǵan otbasylarǵa bala kámelettik jasqa tolǵannan keıin de turǵyn úı kezeginde turý quqyǵyn saqtaý kózdeledi. Іs júzinde mundaı otbasylar turǵyn úı kezeginde 10 jylǵa deıin turady. Eger bala 18 jasqa tolǵanǵa deıin turǵyn úı alý múmkin bolmasa, onda múgedektigi bar azamat kezekke qaıta turýǵa májbúr. Bul norma 20 myńnan astam otbasyna turǵyn úı kezegin saqtaýǵa múmkindik beredi», - dedi S. Shápkenov.
Sonymen qatar, zań jobasy aıasynda múgedektigi bar balaǵa kútim jasaý merzimin 16-dan 18 jasqa deıin uzartý usynyldy. Bul jasyna baılanysty zeınetaqy tólemderi men bazalyq zeınetaqyny taǵaıyndaýǵa oń áserin tıgizedi.

Avtor Rýslan Ǵabbasov
Basty sózder: Senat, Zań, Áleýmettik qoldaý,
Joǵary qaraı